Чорны часаслоў

З пляцоўкі Вікіпедыя.
Перайсці да: рух, знайсці
«Чорны часаслоў», Бібліятэка Пірпанта Моргана M. 493 (fol. 18v/19r)

«Чорны часаслоў» — часаслоў, які атрымаў сваю назву ад колеру старонак. Адна з нешматлікіх захаваных рукапісных кніг з чорнымі старонкамі. Створаны каля 1475 ў Бруге мастаком з акружэння Вілема Урэланта. Верагодна, выкананы па замове аднаго з прыдворных герцага Бургундыі. У цяперашні час знаходзіцца ў Бібліятэцы Моргана ў Нью-Ёрку (інвентарны нумар M. 493).

Апісанне[правіць | правіць зыходнік]

«Чорны часаслоў» з Бібліятэкі Моргана — адзін з сямі захаваных рукапісаў, старонкі якіх у выніку складанага працэсу афарбоўваліся з дапамогай сажы або растворамі злучэнняў медзі і жалеза. Усе вядомыя манускрыпты з чорнымі старонкамі паходзяць з фламандскіх майстэрняў і датуюцца другой паловай XV стагоддзя. «Чорны часаслоў» мае памеры 17 х 12 см, у ім 121 аркуш з тэкстам, 14 мініяцюр ў поўную старонку, 15 буйных і мноства невялікіх ініцыялаў і 138 дэкаратыўных бардзюраў. Тэкст выкананы залатымі і срэбнымі чарніламі, фон ініцыялаў - смарагдава-зялёны. Пры ілюстраванні рукапісу выкарыстоўваліся сусальнае золата, свінцовыя бялілы. Бардзюры распісаны золатам па сінім фоне. Чорны фон старонак выгадна падкрэслівае ў цэлым вельмі абмежаваную каляровую гаму.

Літаратура[правіць | правіць зыходнік]

  • Bousmanne B. u.a. Schwarzes Stundenbuch. Wissenschaftlicher Kommentarband zur Faksimile-Ausgabe von Pierpont Morgan Library, New York, M. 493. — Luzern, 2001.
  • Walther I. F., Wolf N. Codices illustres. Die schönsten illuminierten Handschriften der Welt. 400 bis 1600. — Köln u. a.: Taschen, 2005. — S. 372–373. — (Meisterwerke der Buchmalerei). — ISBN 3-8228-4747-X
  • Jahrbuch der Heinrich-Heine-Universität Düsseldorf. 2005/2006. — Düsseldorf: Heinrich-Heine-Universität, 2006. — S. 650. — (Meisterwerke der Buchmalerei). — ISBN 3-9808514-4-3

Спасылкі[правіць | правіць зыходнік]