Чэмпіянат свету па футболе 1934

Чэмпіянат свету па футболе 1934 Campionato Mondiale di Calcio
Падрабязнасці чэмпіянату
Месца правядзення	Італія
Лік удзельнікаў	32
у фінале	16
Прызавыя месцы
Чэмпіён	Італія (1-ы раз)
Другое месца	Чэхаславакія
Трэцяе месца	Германія
Чацвёртае месца	Аўстрыя
Фінал	Нацыянале ПНФ
Статыстыка чэмпіянату
Наведвальнасць	395 000  (23 235 за гульню)
Згуляна матчаў	17
Забіта галоў	70  (4.12 за гульню)
Бамбардзір(ы)	Олдржых Неедлы (5 галоў)

II чэмпіянат свету па футболе (27.5–10.6.1934, Італія). Чэмпіён — зборная каманда Італіі.

Матчы

Першы чэмпіянат свету быў настолькі паспяховым, што жаданне прыняць удзел у другім розыгрышы выказала большая колькасць каманд, чым планавалася дапусціць у фінальную стадыю (32 замест 16). Таму чэмпіянат стаў першым, якому папярэднічалі адборачныя матчы.

Чэмпіёны свету уругвайцы не даравалі еўрапейцам адмовы прыняць ўдзелу ў першым розыгрышы і разам з Балівіяй і Парагваем не паехалі ў Італію. Дзякуючы гэтаму Аргенціна і Бразілія атрымалі права згуляць у фінальным турніры без адборачнага раунда. Гэта быў першы і апошні выпадак на дадзены момант, калі папярэдні ўладальнік Кубка свету не патрапіў на наступны чэмпіянат (і толькі з-за асабістай адмовы).

Некаторыя адборачныя матчы еўрапейскіх каманд апынуліся напоўненымі барацьбой. Гаспадарам чэмпіянату прыйшлося пазмагацца з грэкамі, якія былі пераможаны на стадыёне «Сан-Сыра» з лікам 4:0. Матч у адказ у Афінах не адбыўся з-за адмовы грэчаскай каманды, якая атрымала буйную паразу. Гэты чэмпіянат таксама стаў адзіным, дзе гаспадары вымушаны былі прымаць удзел у адборачным турніры.

Самыя моцныя еўрапейскія зборныя таго часу - Аўстрыя і Венгрыя - апынуліся ў адной адборачнай групе, але адмовіліся гуляць паміж сабой, аддаючы перавагу разграміць больш слабых балгараў. Венгры згулялі 2 гульні з Балгарыяй, а аўстрыйцы толькі адну, але ўсе матчы балгары прайгралі і ўжо не маглі прэтэндаваць на паездку на чэмпіянат свету.

У адборачным турніры здарыўся яшчэ адзін скандал. У ходзе адборачнага матчу румынаў супраць швейцарцаў Румынія выпусціла на поле незаяўленага гульца Юліу Бараткі. Матч скончыўся з лікам 2:2, але неўзабаве факт раскрыўся і румынам прысудзілі паражэнне з лікам 2:0. За другую пуцёўку давялося змагацца супраць югаславаў. Апошнім можна было згуляць унічыю, аднак румыны дамагліся перамогі з лікам 2:1. Восем разоў румынаў ратаваў ад вылету каркас брамы.

Каманда з Ірландыі была выбітая бельгійцамі з-за горшай розніцы забітых і прапушчаных мячоў, хоць разрыў быў усяго ў адзін гол. Гэта быў першы выпадак прымянення розніцы забітых і прапушчаных мячоў у сусветнай практыцы. Таксама характэрна, што матч Нідэрланды-Бельгія судзіў будучы прэзідэнт ФІФА Стэнлі Роўз. Зборная ЗША занадта позна падала заяўку на ўдзел і ўжо ў Рыме згуляла кваліфікацыйны матч супраць Мексікі. У першы круг чэмпіянату свету яны трапілі, але адразу ж пацярпелі разгромную паразу ад італьянцаў з лікам 1:7.Упершыню на чэмпіянаце свету ўдзельнічала каманда з Афрыканскага кантынента - Егіпет. У кваліфікацыйным раўндзе яны не пакінулі шанцаў палестынцам, абыграўшы іх у двух сустрэчах з вынікамі 7:1 і 4:1.

Спасылкі

• На ВікіСховішчы ёсць медыяфайлы па тэме Чэмпіянат свету па футболе 1934
• Афіцыйная статыстыка ЧС 1934(англ.) 
• Статыстыка ЧС 1934, сайта RSSSF(англ.) 
• ЧС-1934 (руск.) 
• Чэмпіянат свету ў Італіі (руск.)