Шчыпоўка

З Вікіпедыі, свабоднай энцыклапедыі
Шчыпоўка
Навуковая класіфікацыя
Міжнародная навуковая назва

Cobitis taenia


Сістэматыка
на Віківідах

Выявы
на Вікісховішчы
ITIS  163981
NCBI  98395
EOL  212556

Шчыпоўка звычайная (Cobitis taenia) — рыба сямейства ўюновых атрада карпападобных. Народныя назвы каза, кусачка, сіколка, сякушка, точка.

Апісанне[правіць | правіць зыходнік]

Даўжыня да 12 см. Цела падоўжанае, сціснутае з бакоў. Афарбоўка стракатая, светла-жоўтая, па баках — паласа бураватых ці чорных плям. Каля рота 6 кароткіх вусіхаў. Пад вачыма высоўныя двухраздзелышя шыпы, якімі можа ўкалоць або ўшчыпнуць (адсюль назва).

Пашырэнне[правіць | правіць зыходнік]

Пашырана ў прэсных вадаёмах Еўропы (да 60° паўночнай шыраты) і Азіі. Сучтракаецца ў вадаёмах Далёкага Усходу, паўночнага Кітая і Японіі. На тэрыторыі Беларусі звычайны від. Насяляе ціхія мелкаводныя затокі і залівы з іліста-пясчаным грунтам, у які закопваецца.

Асаблівасці біялогіі[правіць | правіць зыходнік]

Корміцца дробнымі воднымі беспазваночнымі.

Характэрна поліплаідыя (ікра можа развівацца пры стымуляцыі спермай самцоў блізкароднасных відаў). У лічынак пасля вылуплівання развіваюцца вонкавыя жабры — рэдкая з'ява для прэснаводных рыб.

Промысел[правіць | правіць зыходнік]

Выкарыстоўваецца як прынада пры лоўлі драпежных рыб.

Літаратура[правіць | правіць зыходнік]