Эберхард (герцаг Баварыі)

З Вікіпедыі, свабоднай энцыклапедыі
(Пасля перасылкі з Эберхард, герцаг Баварыі)
Эберхард
ням.: Eberhard
Сцяг25-ы герцаг Баварыі
937 — 938
Папярэднік Арнульф Злы
Пераемнік Бертольд

Нараджэнне невядома
Смерць каля 940
Род Луітпольдынгі
Бацька Арнульф Злы
Жонка Луітгарда
Дзеці Вігфрыд
Вігбурга
Дзейнасць суверэн

Эберхард (ням. Eberhard, пам. 940) — герцаг Баварыі ў 937-938 гадах з дынастыі Луітпольдынгаў.

Біяграфія[правіць | правіць зыходнік]

Эбэрхард быў старэйшым сынам баварскага герцага Арнульфа Злога.

У 933 ці 934 годзе яму была прапанавана карона Італіі пасля смерці караля Рудольфа II, аднак паход Эбэрхарда ў Італію праваліўся.

У 937 годзе памёр Арнульф Злы і Эберхард атрымаў у спадчыну герцагства Баварыю. Скарыстаўшыся смерцю Арнульфа, германскі кароль Атон I Вялікі вырашыў аднавіць ўладу Германіі над Баварыяй, амаль цалкам ліквідаваную Арнульфам, і ў 938 годзе уварваўся ва ўладанні Эберхарда. У двух ваенных кампаніях Атон разграміў герцага і зрынуў яго з пасады. Замест Эберхарда герцагам быў пастаўлены яго дзядзька Бертольд, кіруючы да гэтага ў Карынціі. Далейшы лёс Эберхарда не вядомы: магчыма ён памёр каля 940 года або з'ехаў у Венгрыю (герцаг працягваў палітыку свайго бацькі па падтрыманні міру з венграмі).

Шлюб і дзеці[правіць | правіць зыходнік]

  • Луітгарда, дачка Вігерыка Вердэнскага:
    • Вігфрыд, біскуп Вердэна (пам. 985)
    • Вігбурга, замужам за Хартвікам, пфальцграфам Баварскім