Эдынбург-Сямі-Мораў

Паселішча Эдынбург-Сямі-Мораў Edinburgh of the Seven Seas Герб Сцяг Краіна Вялікабрытанія Каардынаты 37°04′00″ пд. ш. 12°19′32″ з. д. Заснаваны 1816 Першая згадка 1867 Насельніцтва 238 чалавек (2022) Тэлефонны код +290 Афіцыйны сайт tristandc.com (англ.) Эдынбург-Сямі-Мораў на карце

Медыяфайлы на Вікісховішчы

Эдынбург-Сямі-Мораў (англ.: Edinburgh of the Seven Seas) — адзінае паселішча на востраве Трыстан-да-Кунья, адміністрацыйны цэнтр астравоў Трыстан-да-Кунья. Насельніцтва — 238 чал. (2022 г.).

Гісторыя

Атрымаў назву ў гонар брытанскага прынца Альфрэда, меўшага тытул герцага Эдынбургскага, пасля яго наведвання астравоў Трыстан-да-Кунья ў 1867. Пацярпеў ад вывяржэння вулкана ў 1961 г., быў астаўлены насельнікамі, а потым зноў адроджаны ў 1963 г.

Адміністрацыя

Кіруецца адміністратарам і Радай астравоў Трыстан-да-Кунья.

Інфраструктура

Эдынбург-Сямі-Мораў — самае аддаленае сталае паселішча ў свеце, да вострава Святой Алены — 2430 км, ад Паўднёвай Амерыкі — 3360 км, ад Афрыкі — 2816 км.

Мае сучасны порт — адзіны буйны транспартны вузел на астравах Трыстан-да-Кунья. Эканоміка: сельская гаспадарка, лоў і пераапрацоўка рыбы і лангустаў.

Усе тэлефонныя нумары маюць толькі 4 лічбы.

Працуюць 1 дзіцячы сад, 1 сярэдняя школа, 1 царква. Тэлебачанне стала даступным толькі з 2001 г. (транслюецца з Фалклендскіх астравоў).

• 
  Знешні выгляд
• 
  Могілкі

Спасылкі

• Афіцыйны сайт з інфармацыяй для наведвальнікаў
• Афіцыйны інфармацыйны рэсурс
• Эвакуацыя трыстанцаў