Элем Германавіч Клімаў

Элем Клімаў
Імя пры нараджэнні:	Элем Германавіч Клімаў
Дата нараджэння:	9 ліпеня 1933(1933-07-09)
Месца нараджэння:	Сталінград, РСФСР, СССР
Дата смерці:	26 кастрычніка 2003(2003-10-26) (70 гадоў)
Месца смерці:	Масква, Расійская Федэрацыя
Грамадзянства:	СССР Расія
Прафесія:	кінарэжысёр, сцэнарыст
Кар'ера:	1959 — 1989
IMDb:	ID 0459552
Узнагароды:

Элем Германавіч Клімаў (руск.: Эле́м Ге́рманович Кли́мов; 9 ліпеня 1933 -26 кастрычніка 2003) — савецкі кінарэжысёр. Народны артыст Расійскай Федэрацыі (1997). У 1986-1988 гадах - старшыня СК СССР. Член КПСС з 1962 года.

Біяграфія

Э. Г. Клімаў нарадзіўся 9 ліпеня 1933 года ў Сталінградзе (цяпер Валгаград). Пасля заканчэння ў 1957 Маскоўскага авіяцыйнага інстытута працаваў інжынерам-канструктарам на адным з маскоўскіх заводаў, а таксама супрацоўнічаў у Маладзёжнай рэдакцыі Усесаюзнага радыё і Цэнтральнага тэлебачання і ў Маскоўскай філармоніі.

У 1964 годзе скончыў рэжысёрскі факультэт ВГІКа (майстэрня Е. Л. Дзігана) і пачаў працаваць на кінастудыі «Масфільм».

Першым поўнаметражным фільмам Клімава была камедыя «Сардэчна запрашаем, ці Староннім уваход забаронены» (1964), якая мела вялікі поспех у краіне. Аднак наступны фільм рэжысёра «Прыгоды зубнога ўрача» (1965) выйшаў у 1967 г. у абмежаваным пракаце (78 копій) і быў «пакладзены на паліцу». Паўторны выпуск адбыўся толькі ў 1987 годзе. Пазней Клімаў казаў, што і сам не быў задаволены гэтым фільмам.

Таксама Клімаў завяршыў (разам з Г. Лаўровым і М. Хуцыевым) няскончаны фільм М. Рома "І ўсё-такі я веру".

У 1965 годзе ажаніўся з Ларысай Шапіцька.

У канцы 1980-х гадоў меў намер экранізаваць раман М.Булгакава «Майстар і Маргарыта», для якога сумесна з братам Германам напісаў сцэнарый - аднак гэтая задума так і засталася нерэалізаваная.

Э. Г. Клімаў памёр 26 кастрычніка 2003 г ад інсульту. Пахаваны ў Маскве на Траекураўскіх могілках.

Узнагароды

• Залаты медаль, Прэмія за рэжысуру, Дыплом СК СССР на ВКФ спартыўных фільмаў (за фільм "Спорт, спорт, спорт", 1970).
• Заслужаны дзеяч мастацтваў РСФСР (1976)
• Народны артыст Расійскай Федэрацыі (1997)
• Прыз FIPRESCI МКФ у Венецыі (за фільм "Агонія", 1982).
• Залаты прыз МКФ у Маскве (за фільм "Ідзі і глядзі", 1985).
• Лаўрэат ВКФ у намінацыі «Галоўны спецыяльны прыз кінафестывалю» (1986).
• Ганаровы член Брытанскага кінаінстытут (з 1987 года).

Літаратура

• БЭ ў 18 тамах. Т.8, Мн., 1999, С.341

Спасылкі

• Відэапартрэт Элема Клімава на сайце www.newstube.ru
• Элем Клімаў(англ.)  на сайце Internet Movie Database
• Элем Клімаў у «Энцыклапедыі айчыннага кіно»