Эмануіл Ясюк

Эмануіл Ясюк
Дата нараджэння	1906
Месца нараджэння	Малыя Жухавічы, Жухавіцкая воласць[d], Навагрудскі павет, Мінская губерня, Расійская імперыя
Дата смерці	10 снежня 1977(1977-12-10)
Месца смерці	Пасейк, акруга Пасейк[d], Нью-Джэрсі, ЗША
Месца пахавання	Беларускія могілкі ў Саўт-Рыверы
Альма-матар	Льежскі ўніверсітэт
Член у	Беларуская цэнтральная рада

Эмануіл Ясюк (1906, в. Жухавічы (цяпер Карэліцкі раён, Гродзенская вобласць) — 10 снежня 1977, Пасейк, Нью-Джэрсі, ЗША) — беларускі грамадска-палітычны дзеяч.

Біяграфія

У 1930-х скончыў універсітэт у Льежы (Бельгія) з дыпломам інжынера. Падчас нямецкай акупацыі быў старшынём Стаўбцоўскага раёна. Дэлегат Усебеларускага царкоўнага сабора (жнівень 1942) і Другога Усебеларускага кангрэса. З лета 1944 — на эміграцыі. Выкладаў у гімназіі польскага лагера DP у Рэгенсбургу. Пасля аднаўлення дзейнасці Беларускай цэнтральнай рады ў 1948 — міністр замежных спраў у кабінеце Ю. Сабалеўскага. У 1950 пераехаў у ЗША. Жыў у Пасейку (Нью-Джэрсі, ЗША). Быў саўласнікам кампаніі «Крыс электронікс». Займаўся грамадска-палітычнай дзейнасцю, узначальваў арганізацыю Амерыканскія прыхільнікі БЦР. Быў заснавальнікам арганізацыі беларускіх ветэранаў у Пасейку, віцэ-старшынём Беларускага кангрэсавага камітэта Амерыкі (прадстаўнік БККА у Пасейку), парафіянінам і фундатарам парафіі царквы Св. Ефрасінні Полацкай у Саўт-Рыверы.

Пахаваны на беларускіх могілках у Саўт-Рыверы.

Літаратура

• Вэтэраны. Сьвятой памяці Эмануэль Ясюк // Беларус. — 1978. — № 250. — Люты. — С. 4.
• Гардзіенка, А. Беларускі кангрэсавы камітэт Амерыкі (БККА) / Алег Гардзіенка; Беларускі інстытут навукі і мастацтва. — Смаленск: [б. в.], 2009. — 423 с., [6] л. іл. — (Бібліятэка Бацькаўшчыны; Кн. 16). — С. 27, 410.