Энгельберт Кемпфер

Энгельберт Кемпфер ням.: Engelbert Kämpfer
падарожнік
Дата нараджэння:	16 верасня 1651
Месца нараджэння:	Лемга, Германія
Дата смерці:	2 лістапада 1716(1716-11-02) (65 гадоў)
Месца смерці:	Lieme Паўночны Рэйн — Вестфалія

Сістэматык жывой прыроды

Назвы раслін, апісаных ім, могуць адзначацца скарачэннем «Kämpf.» З пункту гледжання Міжнароднага кодэкса батанічнай наменклатуры навуковыя назвы раслін, апублікаваныя да 1 мая 1753 г., не лічацца сапраўды апублікаванымі, і ў сучаснай навуковай літаратуры гэта скарачэнне практычна не сустракаецца. Персанальная старонка на сайце IPNI

Энгельберт Кемпфер (ням.: Engelbert Kaempfer; 16 верасня 1651 — 2 лістапада 1716) — нямецкі падарожнік і натураліст.

Сын пастара. Вывучаў філасофію, тэалогію і медыцыну ў Лемга, Хамельне, Люнебургу, Любеку, Данцыгу​​, Кракаве. У 1681 годзе пасяліўся ў Швецыі.

Быў сакратаром шведскага пасольства ў Персіі. У 1685 годзе паступіў у якасці хірурга на галандскі флот і пазнаёміўся з Аравіяй, Індастанам, Явай, Суматрай, Сіямам(руск.) бел. і Японіяй. У Японіі ён правёў два гады.

Найбольш вядомы Кемпфер сваім напісаным па-нямецку і ​​перакладзеным на англійскую мову творам «History of Japan» («Гісторыя Японіі»; Лондан, 1727), які затым з'явіўся на некалькіх іншых мовах. Акрамя таго, ён апублікаваў «Amoenitatum exoticarum poëtico-politico-physico-medicarum fasciculi V» (Лемга, 1712). Банкс надрукаваў яго «Icones selectae plantarum, quasin Japonia collegit» (Лондан, 1791). Вялікая частка яго ненадрукаваных рукапісаў, багатых важнымі назіраннямі, захоўваецца ў Брытанскім музеі.

У гонар Кемпфера названы род раслін сямейства імбірных — Кемпферыя.

Літаратура

• БЭ ў 18 тамах., Т.8. Мн., 1999, С.227

Спасылкі

• Энгельберт Кемпфер. Восточная литература. Архівавана з першакрыніцы 24 жніўня 2011. Праверана 15 сакавіка 2011.,

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.