Энкі

Энкі (Эа)
' Гаспадар зямлі і вады
Міфалогія:	Шумера-акадская
Бацька:	Ан
Маці:	Нама
Жонка:	Нінчурсанга (Дамгалнуна)
Дзеці:	бог-лекар Асалдухі, багіня Наншэ

Энкі, Эа (акад. Хая, ці па прынятыму ў навуцы, але няправільнаму чытанню — Эя) - адзін з галоўных багоў шумера-акадскага пантэону, гаспадар зямлі, прэсных вод і падземнага сусветнага акіяну, таксама ўладар мудрасці і магіі, абаронца людзей перад багамі, заступнік шумерскага горада Эрэду.

Упершыню яго імя сустракаецца на шумерскіх таблетках XXVIII - XXVII стст. да н. э. Энкі стварае людзей і разам з братам Энлілем - малодшых багоў, адказных за жывёлу і зерне, упарадкуе навакольны свет, апладняе глебу, вынаходзіць плуг, матыку і форму для цагліны, валодае магічнай сілай мэ.

У шумера-акадскім мастацтве маляваўся як чалавек у доўгай вопратцы, з якога струменяцца Тыгр і Еўфрат. У Асірыі і Вавілоніі - як вадзяны чалавек ці марская чарапаха. У Вавілоне вядома выява ў выглядзе аленя, што танцуе вакол сусветнага акіяну.

Прысвечаныя Энкі ўшанаваныя жывёліны - баран і алень.