Энрыке, кароль Партугаліі

З пляцоўкі Вікіпедыя
Перайсці да: рух, знайсці
Энрыке
Henrique I de Portugal\Henrique "o Castro"
Энрыке
17-ы кароль Партугаліі і Алгарвэ
з 4 жніўня 1578
Папярэднік: Себасцьян I
Пераемнік: Антоніу I
 
Нараджэнне: 31 студзеня 1512(1512-01-31)
Лісабон
Смерць: 31 студзеня 1580(1580-01-31) (68 гадоў)
Алмейрын, Партугалія
Род: Авіская дынастыя
Бацька: Мануэл I
Маці: Марыя Арагонская

Энрыке Партугальскі (парт.: Henrique I de Portugal; 31 студзеня 1512, Лісабон — 31 студзеня 1580, Алмейрын) — кардынал-кароль, сямнаццаты кароль Партугаліі з 1578 года. Апошні прадстаўнік Авіскай дынастыі. Пяты сын Мануэля I і яго другой жонкі Марыі Арагонскай.

Біяграфія[правіць | правіць зыходнік]

Энрыке быў адным з самых малодшых братоў караля Жуана III і таму лічылася, што яго шанцы на прастол нікчэмныя. Таму Энрыке абраў духоўную кар'еру, у тым ліку для таго, каб адстойваць інтарэсы Партугаліі ў Каталіцкай Царкве, дзе дамінавала Іспанія. Ён хутка стаў архібіскупам Брагі (1538 год), архібіскупам Эвары (1545 год) і Вялікім Інквізітарам (1539 год) перад атрыманнем кардынальскага капелюша ў 1545 годзе. У 1564 годзе Энрыке стаў архібіскупам Лісабона і прымасам Партугаліі. Энрыке паспрабаваў прыцягнуць езуітаў у Партугалію і актыўна выкарыстоўваў іх у каланіяльнай палітыцы.

Пасля смерці брата, пачынаючы з 1557 года, быў рэгентам пры сваім траюрадным пляменніку Себасцьяне I. Калі Себасцьян I загінуў падчас ваеннай авантуры ў Марока, Энрыке як апошні прадстаўнік дынастыі атрымаў прастол Партугаліі. Ён вырашыў адмовіцца ад духоўных тытулаў і жаніцца для працягу дынастыі, аднак Папа Рымскі Рыгор XIII, які падтрымліваў Габсбургаў, не вызваліў яго ад святарскіх клятваў.

Энрыке памёр, не прызначыўшы Рэгенцкі Савет, які мог бы абраць пераемніка на трон. Гэтай сітуацыяй скарыстаўся кароль Іспаніі Філіп II, які з'яўляўся адным з найбольш пераважных прэтэндэнтаў на партугальскі прастол. У лістападзе 1580 года Філіп накіраваў у Партугалію герцага Альба для захопу ўлады сілай. У выніку Лісабон неўзабаве быў захоплены, і Філіп быў абраны каралём Партугаліі пры ўмове, што Каралеўства Партугалія і яго замежныя тэрыторыі не стануць іспанскімі абласцямі. Філіп II кіраваў Партугаліяй пад імем Філіп I.

Папярэднік:
Себасцьян I
Кароль Партугаліі
1578-1580
Пераемнік:
Філіп I