Энтані Паркер

Энтані Паркер
Anthony Parker
Энтані Паркер у складзе «Кліўленд Кавальерс»
Завяршыў кар'еру
Атакавалы абаронца
Рост:	198 см
Вага:	97 кг
Грамадзянства:	ЗША
Нарадзіўся:	19 чэрвеня 1975(1975-06-19) (37 гадоў), Нэпервіл, Ілінойс, ЗША
Каледж:	Брэдлі
Драфт:	21-ы, 1997, Нью-Джэрсі Нетс
Выступаў за каманды
Філадэльфія-76 (1997—1999) Арланда Мэджык (1999) Куад-Сіці Тандэр (2000) Макабі Тэль-Авіў (2000—2002) Латаматыка Рым (2002—2003) Макабі Тэль-Авіў (2003—2006) Таронта Рэптарс (2006—2009) Кліўленд Кавальерс (2009—2012)
Асабістыя ўзнагароды і дасягненні
2 разы MVP Еўралігі (2005, 2006) 2 разы ўключаўся ў зборную ўсіх зорак Еўралігі (2005, 2006) MVP фіналу чатырох Еўралігі (2004) MVP чэмпіянату Ізраіля (2004) Зборная дзесяцігоддзя Еўралігі 2001—2010 50 чалавек, якія ўнеслі найбольшы ўнёсак у развіццё Еўралігі

Э́нтані Майкл Па́ркер (англ.: Anthony Michael Parker; нарадзіўся 19 чэрвеня 1975 года ў Нэпервіле, штат Ілінойс) — амерыканскі прафесійны баскетбаліст, які выступаў у Нацыянальнай баскетбольнай асацыяцыі, а таксама ў чэмпіянатах Італіі і Ізраіля.

Пасля заканчэння навучання ва ўніверсітэце Брэдлі Паркер быў выбраны на драфце НБА 1997 года. Пасля таго як правёў некалькі сезонаў у НБА ён пераехаў у Еўропу, дзе пяць сезонаў гуляў у Ізраільскай суперлізе за клуб «Макабі Тэль-Авіў» і адзін сезон у італьянскай Серыі А за «Латаматыку». Выступаючы за «Макабі», ён пяць разоў станавіўся чэмпіёнам Ізраіля, пяць разоў заваёўваў Кубак Ізраіля, а таксама выйграў тры Еўрапейскіх тытула (2 Еўраліга УЛЕБ і адзін Супраліга ФІБА) і два разы запар выбіраўся самым каштоўным іграком Еўралігі. У 2006 годзе Паркер вярнуўся ў НБА, дзе гуляў на пазіцыі атакавалага абаронцы клуба «Таронта Рэптарс». З прыходам Паркера ў каманду, «Рэптарс» упершыню ў сваёй гісторыі заваявалі тытул чэмпіёна дывізіёна, упершыню за апошнія пяць гадоў выйшлі ў плэй-оф і ўсталявалі рэкорд клуба па колькасці перамог у сезоне. Канец сваёй кар'еры ён правёў у «Кліўленд Кавальерс», і 27 чэрвеня 2012 года Энтані Паркер абвясціў пра завяршэнне ігравой кар'еры.

Спасылкі

• Профіль на афіцыйным сайце NBA(англ.) 
• Профіль на афіцыйным сайце Еўралігі(англ.) 

На гэты артыкул не спасылаюцца іншыя артыкулы Вікіпедыі, калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.