Ядловец

З пляцоўкі Вікіпедыя.
Перайсці да: рух, знайсці
Ядловец
Dojoji Gobo Wakayama05n4272.jpg
Juniperus chinensis
Навуковая класіфікацыя
Міжнародная навуковая назва

Juniperus L., 1753

Сінонімы
Тыпавы від
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS   18047
NCBI   13100
EOL   14001
GRIN   g:6229
IPNI   60436243-2

Ядловец (Juniperus) — род хвойных раслін сямейства кіпарысавых.

Вядома каля 70 відаў. Пашыраны пераважна ва ўмераным поясе Паўночнага паўшар'я; на Беларусі 1 від — ядловец звычайны, утварае падлесак у хвойных і мяшаных лясах.

Вечназялёныя дрэвы вышынёй 10-12, радзей да 30 м, ці кусты, часам сцелістыя. Каранёвая сістэма моцная і глыбокая. Растуць марудна, жывуць да 500—1000 гадоў. Большасць відаў — двухдомныя. Лісце іголка- або лускападобнае. Мікрастробілы дробныя, авальныя. Пасля апладнення мегастробілы зрастаюцца паміж сабой і ўтвараюць сакаўныя шышкі, сіне-чорныя ці цёмна-бардовыя, якія выспяваюць на 2-3-і год (часам іх называюць шышкаягадамі або ядлоўцавымі ягадамі).

Тэхнічныя, лекавыя, дэкаратыўныя расліны. Драўніна трывалая, устойлівая супраць насякомых і гніення. Салодкія пахучыя шышкі ядлоўца выкарыстоўваюць у харчовай і парфумернай прамысловасці; лісце і маладыя парасткі, багатыя эфірнымі алеямі, што ачышчаюць паветра ад мікробаў — у медыцыне, ветэрынарыі і парфумерыі.

Расліны аказваюць аздараўляльны ўплыў на лес — выдзяляюць фітанцыдаў больш за іншыя хвойныя.