Язэп Малецкі

Язэп Малецкі
Язэп Малецкі
Дата нараджэння	12 студзеня 1906
Месца нараджэння	Якужы, Дзісенскі павет, Віленская губерня, Расійская імперыя;
Дата смерці	6 чэрвеня 1982 (76 гадоў)
Месца смерці	Сідней, штат Новы Паўднёвы Уэльс, Аўстралія;
Месца пахавання	могілкі Руквуд;
Род дзейнасці	рэдактар
Месца працы	Медычная думка[d];
Альма-матар	Універсітэт Стэфана Баторыя;
Член у	Беларускі нацыянальны камітэт, Вільня; Беларуская цэнтральная рада; Беларускае аб’яднанне ў Новым Паўднёвым Уэльсе (прыхільнікі Рады БНР); Федэральная рада беларускіх арганізацый у Аўстраліі;

Язэп Малецкі (12 студзеня 1906, в. Якужы, Мёрскі раён, Беларусь — 6 чэрвеня 1982, Аўстралія) — беларускі грамадскі дзеяч, рэдактар і выдавец; урач.

Біяграфія[правіць | правіць зыходнік]

Закончыў гімназію імя Стэфана Баторыя ў Друі, атрымаў вышэйшую медыцынскую адукацыю ў Віленскім універсітэце. Са студэнцкіх гадоў прымаў удзел у беларускім культурным і нацыянальным руху, член Віленскага Беларускага нацыянальнага камітэта. Працаваў урачом з 1935 г., перад вайной спецыялізаваўся па акушэрстве і гінекалогіі ў Варшаве. З пачатку вайны вярнуўся ў Вільню, працаваў у Віленскім беларускім камітэце. Потым працаваў у Гродне, кіраваў медыцынскай школай у Баранавічах. Быў намеснікам прэзідэнта БЦР на Вілейскую акругу. Затым вымушаная эміграцыя; спачатку ў Заходнюю Германію, з 1949 г. — у Аўстралію.

У Германіі стаў ініцыятарам і галоўным арганізатарам «Аб’яднання беларускіх лекараў на чужыне», рэдагаваў часопіс «Медычная думка». У Аўстраліі быў сябрам першай управы Беларускага аб’яднання ў Новым Паўднёвым Уэльсе (у 1960—1961 гадах — яго старшыня), дапамагаў у выданні месячніка «Новае жыццё ў Сіднеі». Адзін з дырэктараў Беларускага культурна-грамадскага клуба ў Сіднеі. Старшыня аўстралійскага сектару Рады БНР. Адзін з ініцыятараў стварэння і старшыня Федэральнай рады беларускіх арганізацый у Аўстраліі (ФРБАА). Узначальваў ФРБАА ў 1979—1980 гадах. Друкаваў успаміны, медыцынскія публіцыстычныя артыкулы. Выдаў аўтабіяграфічную кнігу «Пад знакам Пагоні» (Таронта, 1976).

Памёр 6 чэрвеня 1982 года ў Сіднеі, пахаваны на могілках Роквуд^[1].

Зноскі

↑ Радыё Рацыя. 115 гадоў з дня нараджэння Язэпа Малецкага (нявызн.)(недаступная спасылка). Архівавана з першакрыніцы 12 студзеня 2021. Праверана 17 студзеня 2021.

Літаратура[правіць | правіць зыходнік]

Гардзіенка, Н. Беларусы ў Аўстраліі: да гісторыі дыяспары / Натальля Гардзіенка; Прадмова І.Сурвіллы. — Мн.: Беларускі кнігазбор, 2004. — 468 с., [4] арк. — (Бібліятэка Бацькаўшчыны, Кніга 3).
Малецкі Язэп // Памяць: гісторыка-дакументальная хроніка Міёрскага раёна / рэдкал. Г. Маняк і інш. — Мн., 1988. — С. 531.

Спасылкі[правіць | правіць зыходнік]

knihi.com

[1] Радыё Рацыя. 115 гадоў з дня нараджэння Язэпа Малецкага (нявызн.)(недаступная спасылка). Архівавана з першакрыніцы 12 студзеня 2021. Праверана 17 студзеня 2021.

[1]