Янка Светлячок
Янка Светлячок | |
---|---|
Асабістыя звесткі | |
Дата нараджэння | 4 снежня 1888 |
Месца нараджэння | |
Дата смерці | 28 лістапада 1957 (68 гадоў) |
Месца смерці | |
Пахаванне | |
Альма-матар | |
Прафесійная дзейнасць | |
Род дзейнасці | паэт, публіцыст, настаўнік |
Творы ў Вікікрыніцах |
Янка Светлячо́к[1] (сапр. — Іван Яфімавіч Гаеўскі[1]; 4 снежня 1888, в. Замужанне, Барысаўскі павет, Мінская губерня, цяпер Барысаўскі раён — 28 лістапада 1957, Плешчаніцы, Лагойскі раён, Мінская вобласць) — паэт, публіцыст, настаўнік.
Біяграфія[правіць | правіць зыходнік]
Паходзіў з сям’і вясковага сталяра, быў старэйшым з 12 дзяцей. Вучыўся спачатку ў Лошніцы, потым у Барысаве. У 1908 годзе паступіў у Віленскі настаўніцкі інстытут, дзе пазнаёміўся з беларускім адраджэнскім рухам, наведваў рэдакцыю «Нашай Нівы». У 1912 годзе скончыў інстытут і вярнуўся ў родныя мясціны, настаўнічаў у вёсцы Чмялевічы на Лагойшчыне.
Падчас Першай сусветнай вайны прызваны на фронт. Пасля Кастрычніцкай рэвалюцыі добраахвотна запісаўся ў Чырвоную Армію, удзельнічаў у грамадзянскай вайне. Нядоўга працаваў у Барысаўскім ваенкамаце і вярнуўся да педагагічнай дзейнасці. У 1930 годзе скончыў Мінскі педагагічны інстытут. Працаваў дырэктарам Каменскай школы ў Лагойскім раёне. Арыштаваны 27 жніўня 1937. Асуджаны 23 лістапада 1937 года тройкай НКУС як «член контррэвалюцыйнай арганізацыі» і за «шкодніцтва» да 10 гадоў ППЛ. Этапаваны ў Паўднёвы лагер НКУС. Вызвалены 5 красавіка 1940 года. Вярнуўся на радзіму. Пасля вайны працаваў матэматыкам у школе № 1 г.п. Плешчаніцы[2]. Рэабілітаваны Пракуратурай БССР 31 мая 1989.
Быў жанаты на Алене Станіславаўне Жардэцкай[3].
Творчасць[правіць | правіць зыходнік]
У 1909—1915 гады Янка Светлячок быў сталым карэспандэнтам газеты «Наша Ніва». Яго допісы мелі краязнаўчы характар. Ёсць здагадка, што ён мог асабіста быць знаёмым з Янкам Купалам, а найбольш з вядомым бібліяфілам Рамуальдам Зямкевічам[3]. Збіраў фальклор на Барысаўшчыне і Лагойшчыне. Пісаў вершы. Некаторыя з іх друкаваліся ў «Нашай Ніве» і «Беларускім календары за 1914 год». Вершы, пераважна сюжэтныя былі прысвечаны працоўным. У сваім найбольш вядомым паэтычным творы — вершы «З заработкаў» — Я. Светлячок апісаў трагічнае здарэнне з цяжкага і рызыкоўнага жыцця плытагонаў.
Пасля зняволення творчасцю не займаўся[3].
Зноскі
- ↑ а б БелЭн 2002.
- ↑ Г.І. Полсычева. Архіўная копія(недаступная спасылка). Родны край. Архівавана з першакрыніцы 5 сакавіка 2016. Праверана 2 ліпеня 2014.
- ↑ а б в Каханоўскі Г.. ЯНКА СВЕТЛЯЧОК . Плещеницы.by. Праверана 20 чэрвеня 2012.(недаступная спасылка)
Літаратура[правіць | правіць зыходнік]
- Светлячок Янка // Беларускія пісьменнікі: Біябібліягр. слоўн. У 6 т. Т. 5. Пестрак — Сяўрук / Б 43 Ін-т літ. імя Я. Купалы АН Беларусі; Беларус. Энцыкл.; Нацыянальны навукова-асветны цэнтр імя Ф. Скарыны. Пад рэд. А. В. Мальдзіса; Рэдкал.: І. Э. Багдановіч і інш. — Мн.: БелЭн, 1995. — С. 308—309. — 480 с ISBN 5-85700-168-4
- Каханоўскі Г. А. Светлячок Янка // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 254. — 10 000 экз. — ISBN 985-11-0035-8. — ISBN 985-11-0238-5 (т. 14).
- Каханоўскі Г. А. Адчыніся, таямніца часу. — Мн., 1984.
Спасылкі[правіць | правіць зыходнік]
- Светлячок Я. Знойдзеныя творы(недаступная спасылка)
- Гаеўскі Іван Явімавіч // Маракоў Л. У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 4. — Мн:, 2007.
- Нарадзіліся 4 снежня
- Нарадзіліся ў 1888 годзе
- Нарадзіліся ў Барысаўскім павеце
- Памерлі 28 лістапада
- Памерлі ў 1957 годзе
- Памерлі ў Лагойскім раёне
- Пахаваныя ў Лагойскім раёне
- Выпускнікі БДПУ імя Максіма Танка
- Артыкулы з шаблонамі-карткамі без назвы
- Асобы
- Пісьменнікі паводле алфавіта
- Нарадзіліся ў Барысаўскім раёне
- Асобы, вядомыя пад літаратурнымі псеўданімамі
- Публіцысты Беларусі
- Паэты Беларусі
- Удзельнікі Першай сусветнай вайны
- Педагогі Беларусі
- Фалькларысты Беларусі
- Рэпрэсаваныя савецкай уладай