Ян Коцера

З пляцоўкі Вікіпедыя
Перайсці да: рух, знайсці
Ян Коцера (1914)

Ян Коцера (чэшск.: Jan Kotěra, 18 снежня 1871, Брно17 красавіка 1923, Прага) — чэшскі архітэктар, дызайнер і графік. Адзін з папярэднікаў сучаснай чэшскай архітэктуры.

Жыццё і творчасць[правіць | правіць зыходнік]

Архітэктурную адукацыю атрымаў у Акадэміі прыгожых мастацтваў, у Вене, у прафесара Ота Вагнера. У пачатковы перыяд сваёй творчасці знаходзіўся пад уплывам стылю Венскага сэцэсіёна. Пазней, пасля знаёмства з працамі Фрэнка Лойда Райта паступова пераходзіць да формаў функцыяналізму. Адначасова ўключае ў свае працы чэшскія нацыянальныя элементы, у выніку атрымліваецца сімбіёз мадэрнісцкага і нацыянальнага ў яго архітэктуры. Аказаў уплыў на развіццё чэшскай архітэктуры не толькі створанымі ім будынкамі, але і як выкладчык. Адным з найбольш вядомых вучняў Яна Коцера быў Іозеф Гочар. Я. Коцера быў прафесарам пражскай Акадэміі мастацтваў і заснавальнікам ў ёй класа архітэктуры.

Усходне-чэшскі музей у Градзец-Кралаве

Выбраныя працы[правіць | правіць зыходнік]

  • Перабудова і пашырэнне палаца Чырвоны Градэк (1894—1896)
  • Дом Петэрка, Прага (1899—1900)
  • Народны дом у Просцееве (1905—1907)
  • Дом Лайхтэра, Прага (1908—1909)
  • Усходне-чэшскі музей, Градзец-Кралове (1909—1912)
  • Моцартэўм, Прага (1911—1913)
  • Юрыдычны факультэт Карлавага ўніверсітэта, Прага (1907—1931)

Літаратура[правіць | правіць зыходнік]

  • Коцера Ян // БЭ ў 18 тамах. Т.8, Мн., 1999, С.439
  • Jan Kotěra — The Founder of Modern Czech Architecture, Prag 2001