Ян Рогач з Дубы

Ян Рогач з Дубы
чэшск.: Jan Roháč z Dubé
Статуя Рогачу з Дубы ў адным з паркаў Прагі
Род дзейнасці	ваенны
Дата нараджэння	XIV стагоддзе
Дата смерці	9 верасня 1437
Месца смерці	Прага, Каралеўства Багемія, Землі багемскай кароны, Свяшчэнная Рымская імперыя
Медыяфайлы на Вікісховішчы

Ян Ро́гач з Ду́бы (чэшск.: Jan Roháč z Dubé, каля 1380 — 9 верасня 1437, Прага) — дзеяч гусіцкага руху, кіраўнік табарытаў (г. зв. гетман) з 1421 года, паплечнік Яна Жыжкі.

Біяграфія

Ян Рогач паходзіў з шляхецкага роду. Па смерці Яна Жыжкі ўзначаліў табарытаў, радыкальна настроеную плыню гусітаў.

Пасля паражэння Пракопа Голага каля Ліпанаў (1434) стаў на чале рэшты войска ў змаганні супраць Жыгімонта Люксембургскага.

У 1436—1437 гг. кіраваў абаронай крэпасці Сіян. 6 верасня 1437 быў захоплены венгерскімі наймітамі і праз тры дні з 52 паплечнікамі пакараны смерцю ў Празе на Старамесцкай плошчы.

Ушанаванне памяці

У 1947 годзе рэжысёр Уладзімір Борскі (чэшск.: Vladimír Borský) зняў пра Яна Рогача з Дубы першую каляровую чэхаславацкую кінастужку.

Ягоным імем названая вуліца на Жыжкаве ў Празе.

Літаратура

• Українська радянська енциклопедія. В 12-ти томах / За ред. М. Бажана. — 2-ге вид. — К.: Гол. редакція УРЕ, 1974—1985., Том 9, К., 1983, стор. 417

Спасылкі

• На Вікісховішчы ёсць медыяфайлы па тэме Ян Рогач з Дубы