6Q0B44E
6Q0B44E, часам скарочана B44E — невялікі аб’ект, магчыма з’яўляецца касмічным смеццем, у наш час знаходзіцца на арбіце Зямлі па-за межамі арбіты Месяца.
6Q0B44E упершыню назіралі даследчыкі лабараторыі Catalina Sky Survey Арызонскага ўніверсітэта 28 жніўня 2006 года. Адкрыццё было пацверджана на наступны дзень, назіраннямі каліфарнійскіх астраномаў з абсерваторыі Table Mountain Observatory, у рамках праграмы Siding Spring Survey.[1]
Аб’ект мае ўсяго некалькі метраў у папярочніку і быў часова класіфікаваны як штучны. B44E верціцца вакол Зямлі на адлегласці ад 585 000 км, да 983 000 км, што ў 2—3 раз далей, чым адлегласць да Месяца. Аб’ект абарачаецца вакол Зямлі за 80 дзён.[2]
B44E быў заўважаны ў самы спрыяльны момант, калі яго яркасць дасягала 19-й зорнай велічыні. Калі аб’ект аддаляецца ад Зямлі, яго яркасць зніжаецца да 28-й зорнай велічыні.[3]
Разлічаныя па выніках назіранняў эфемерыды паказваюць, што, верагодна, B44E увайшоў у сістэму Зямля-Месяц паміж 2001 і 2003 гадамі, хоць, магчыма, ён прыбыў у наваколлі Землі і дзесяць гадоў назад. Падабенства паміж B44E і J002E3, які ў наш час лічыцца часткай ракеты Апалон-12, прывялі некаторых астраномаў да здагадкі, што B44E можа быць іншай рэліквіяй засваення чалавекам касмічнай прасторы, якая вярнулася на арбіту Землі.
Гл. таксама[правіць | правіць зыходнік]
Зноскі
- ↑ Distant Artificial-Satellites Observers Circulars, DASO Circular No. 63, 29 August 2006
- ↑ The Guardian, Spacewatch, 6 September 2006
- ↑ Bill Gray, Pseudo-MPEC for 6Q0B44E Архівавана 5 лютага 2012., 3 September 2006
Спасылкі[правіць | правіць зыходнік]
- The Distant Artificial Satellites Observation Page, accessed 6 September 2006
- Discovery of 6Q0B44E Архівавана 5 студзеня 2013., by Richard Kowalski 30 August 2006
- Выяўлена новая загадка эпохі «Апалонаў»