Catholic Encyclopedia

З пляцоўкі Вікіпедыя
Перайсці да: рух, знайсці

Catholic Encyclopedia (Каталіцкая энцыклапедыя), таксама вядомая як Original Catholic Encyclopedia (Арыгінальная каталіцкая энцыклапедыя) — англамоўная энцыклапедыя, якая была выдадзена ў ЗША і асвятляе розныя пытанні, звязаныя з каталіцтвам. Энцыклапедыя была выдадзена ў 15 тамах з 1907 па 1912 гады выдавецкай кампаніяй Роберта Эплтана, утворанай у Нью-Ёрку ў лютым 1905 года. У 1913 годзе выдавец, які змяніў назву на The Encyclopedia Press, выпусціў новую рэдакцыю энцыклапедыі, праз год быў надрукаваны 16-ы том з прадметным паказальнікам. Catholic Encyclopedia складаецца з 16 тамоў і двух дадаткаў (выпушчаных у 1922 і ў перыяд з 1950 па 1958 гады) і ўтрымлівае каля 11,5 тысяч артыкулаў.

У 1967 годзе пад эгідай Каталіцкага ўніверсітэта Амерыкі была выдадзена новая версія энцыклапедыі — New Catholic Encyclopedia у 17 тамах, у 2002 годзе яна была перавыдана.

У 1993 годзе група добраахвотнікаў, на падставе таго, што па амерыканскіх законах аб аўтарскім праве ўсе працы, выдадзеныя ў ЗША да 1923 года, знаходзіліся ў грамадскім здабытку, пачала пераклад арыгінальнай энцыклапедыі ў электронны фармат і ў 1995 годзе размясціла яго ў Інтэрнэце. У наш час артыкулы энцыклапедыі даступныя на шматлікіх сайтах.

Спасылкі[правіць | правіць зыходнік]

ВікіЦытатніку
Матэрыялы па тэме ў
Вікікрыніцах