Microsoft Windows Cairo

Cairo — кодавае імя праекта ад Microsoft, які распрацоўваўся з 1991 па 1996 год. Адна з першых спроб Microsoft стварыць аперацыйную сістэму новага пакалення (ад яе бярэ свой пачатак Microsoft Windows NT). Cairo ніколі не прадавалася, хоць частка яе тэхналогій з'явілася ў іншых прадуктах.

Апісанне

Cairo упершыню была анансавана на Microsoft Professional Developers Conference у 1991-ым годзе Джымам Альчынам. Першы раз яна была публічна паказана ў 1993 Cairo/Win95 PDC. Microsoft мяняла прызначэнне Cairo некалькі разоў, часам робячы яе паўнавартаснай АС, а часам - зборкай новых тэхналогій. Для распрацоўкі Cairo была сабрана найбуйнейшая група распрацоўшчыкаў за ўсю гісторыю Microsoft.

Магчымасці

Асаблівасці Cairo сталі часткай іншых прадуктаў Microsoft:

• Карыстацкі інтэрфейс Windows 95 заснаваны на пачатковым праекце інтэрфейсу Cairo (так званы «класічны стыль»).
• X.500 — стаў часткай тэхналогіі Active Directory у Windows 2000
• X.400 — стаў часткай Microsoft Exchange Server.
• Content Indexing — стаў часткай IIS (Internet Information Services), Windows Desktop Search.

Файлавая сістэма, заснаваная на тэхналогіі OLE compound documents, засталася не рэалізаванай ні ў адной аперацыйнай сістэме.

Астатнія кампаненты Object file system цяпер завуцца WinFS, якая планавалася да ўключэння ў Windows Vista, але апынулася не гатовая да тэрміна выйсця Windows Vista, і плануецца да ўключэння ў Windows 7.