Portable Document Format

Запыт «PDF» перанакіроўваецца сюды; гл. таксама іншыя значэнні.

Portable Document Format
Пашырэнне	.pdf
MIME	application/pdf
Распрацаваны	Adobe Systems
Тып фармату	графічныя фарматы

PDF (абрэвіятура ад англ.: Portable Document Format, вымаўляецца пі-дзі-эф) — кроссплатформенн ы фармат электронных дакументаў, створаны фірмай Adobe Systems з выкарыстаннем шэрагу магчымасцей мовы PostScript. У першую чаргу прызначаны для прадстаўлення ў электронным выглядзе паліграфічнай прадукцыі, — значная колькасць сучаснага прафесійнага друкарскага абсталявання можа апрацоўваць PDF беспасярэдна. Для прагляду можна карыстацца афіцыйнай бясплатнай праграмай Acrobat Reader, а таксама праграмамі іншых распрацоўшчыкаў. Традыцыйным спосабам стварэння PDF-дакументаў з'яўляецца віртуальны прынтар, гэта значыць дакумент фактычна ствараецца ў сваёй спецыялізаванай праграме — графічным ці тэкставым рэдактары, САПР і г.д., а пасля экспартуецца ў PDF для распаўсюду ў электронным выглядзе, перадачы ў друкарню і да т.п.

PDF з'яўляецца адкрытым стандартам ISO 32000.

Фармат PDF дазваляе дадаваць неабходныя шрыфты (парадковы тэкст), вектарныя і растравыя выявы, формы і мультымедыя ўстаўкі. Падтрымлівае RGB, CMYK, некалькі тыпаў сціску растравай інфармацыі. Мае ўласныя тэхнічныя фарматы для паліграфіі: PDF/X-1, PDF/X-3. Уключае механізм электронных подпісаў для абароны і праверкі сапраўднасці дакументаў. Ёсць магчымасць імпартавання з большасці сучасных фарматаў тэкставых дакументаў, вектарных і растравых графічных фарматаў. У гэтым фармаце распаўсюджваецца вялікая колькасць спадарожнай дакументацыі.

Пабочныя праграмы для работы з PDF

Кросплатформенныя

• OpenOffice.org — свабодны кросплатформенны офісны пакет з функцыяй экспарту ў PDF.
• pdfTeX — варыянт сістэмы камп'ютарнай шыхтоўлі TeX/LaTeX, які наўпрост стварае PDF-файлы.
• Ghostscript — свабодны праграмны інтэрпрэтатар мовы PostScript. Можа ўжывацца для стварэння, канвертавання і прагляду PDF-файлаў.
• Xpdf — свабодная праграма прагляду PDF-файлаў для X Window System. Ужываная як рухавік для шмат якіх іншых праграм прагляду.

Пад сістэмы Linux

• Evince — свабодная праграма для прагляду PDF, PostScript і іншых падобных фарматаў; частка GNOME
• KPDF — праграма прагляду PDF-файлаў для KDE.
• XPDF — праграма прагляду PDF-файлов. Без прывязкі да бібліятэк QT і GTK.

Пад Microsoft Windows

• Foxit Reader — умоўна-бясплатная праграма для прагляду PDF-файлаў. Памер праграмы 3,5 Мб, усталявання не патрабуе.
• Sumatra PDF — свабодная (GPLv2) праграма для прагляду PDF-файлаў.
• ABBYY PDF Transformer — shareware праграма для стварэння і пераўтварэння PDF-файлаў з любога офіснага прыкладання і пераўтварэнне PDF-файлаў у дакументы фарматаў, прыдатных для рэдагавання (Microsoft Word, RTF і інш.).
• PDFCreator — свабодная праграма для стварэння файлаў PDF. Можа ўжывацца з любым прыкладаннем Microsoft Windows, якое мае магчымасць друкавання дакументаў.
• STDU Viewer — свабодная праграма для прагляду файлаў PDF, DjVu, TIF. Памер праграмы 1.46 МБ. Стабільнейшая за прадукты FoxIt.

Рознае

• PDF Software

Глядзіце таксама

• DjVu
• PDF/A

Спасылкі

• PDF Specifications, including the PDF Reference for PDF 1.7, PDF 1.6 (ISBN 0-321-30474-8), PDF 1.5, PDF 1.4 (ISBN 0-201-75839-3), PDF 1.3 (ISBN 0-201-61588-6)
• Adobe: PostScript vs. PDF - Official introductory comparison of PS, EPS vs. PDF.
• Adobe PDF 101: Quick overview of PDF
• Фармат PDF афіцыйна стаў стандартам ISO
• ISO 32000-1:2008 Document of the PDF Standard at the International Organization for Standardization (chargeable)
• ISO 19005-1:2005 Document of the PDF/A-1 Standard at the International Organization for Standardization (chargeable)