Альберта Томба

Алімпійскія ўзнагароды
Альберта Томба ў 2009 годзе
Гарналыжны спорт (мужчыны)
Золата	Калгары 1988	Гіганцкі слалам
Золата	Калгары 1988	Слалам
Золата	Альбервіль 1992	Гіганцкі слалам
Срэбра	Альбервіль 1992	Слалам
Срэбра	Лмлехамер 1994	Слалам

Спартыўныя ўзнагароды
Чэмпіянаты свету па гарналыжным спорце
Золата	Сьера Невада 1996	Слалам
Золата	Сьера Невада 1996	Гіганцкі слалам
Бронза	Кранс Мантана 1987	Гіганцкі слалам
Бронза	Сестрыерэ 1997	Слалам

Альберта Томба (італ.: Alberto Tomba; нар. 19 снежня 1966 года, Сан-Ладзара-дзі-Савена, Італія) — знакаміты італьянскі гарналыжнік, трохразовы алімпійскі чэмпіён, двухразовы чэмпіён свету, уладальнік Кубка свету. Спецыялізаваўся ў слаламе і гіганцкім слаламе.

Спартыўная мянушка — «Томба ла Бомба» (італ.: Tomba la Bomba). Алімпійскі чэмпіён 1988 года ў слаламе і гіганцкім слаламе (Калгары, Канада). У 1992 годзе ў Альбервіль (Францыя) выйграў «золата» ў гіганцкім слаламе і «срэбра» ў слаламе. Там жа Томба быў удастоены гонару несці сцяг Італіі на цырымоніі адкрыцця Алімпіяды.

Яшчэ адно «срэбра» Томба выйграў на слаламных трасах Лілехамеры (Нарвегія) у 1994 годзе.

Фінішаваў без узнагарод на Белай Алімпіядзе-98 у Нагана (Японія).

Уладальнік Кубка свету па гарналыжным спорце ў агульным заліку ў сезоне 1994-95. У 1998 годзе пайшоў з вялікага спорту, атрымаўшы ў агульнай складанасці 50 перамог у Кубку свету (35 — слалам, 15 — гіганцкі слалам). Па ліку перамог на этапах Кубка свету саступае толькі Інгемару Стэнмарку (86) і Херману Маеру (54).

Спасылкі

• Афіцыйны сайт Архівавана 14 снежня 2009. (італ.)