Амброджа Ларанцэці

Амброджа Ларанцэці
Дата нараджэння	1290
Месца нараджэння	Сіена, правінцыя Сіена, Таскана, Італія
Дата смерці	9 чэрвеня 1348(1348-06-09)
Месца смерці	Сіена, правінцыя Сіена, Таскана, Італія
Грамадзянства	Сіенская рэспубліка[d]
Род дзейнасці	мастак
Мастацкі кірунак	Сіенская школа жывапісу
Уплыў	Дуча дзі Буанінсенья
Медыяфайлы на Вікісховішчы

Амброджа Ларанцэ́ці (італ.: Ambrogio Lorenzetti; ? — 1348) — італьянскі жывапісец, прадстаўнік Cіенскай школы жывапісу.

Біяграфія

Брат П’етра Ларанцэці. Зазнаў уплыў фларэнційскага мастацтва Протарэнесансу, вывучаў антычную скульптуру, праблематыку перспектывы. У манументальных кампазіцыях спалучаў алегарычнасць сюжэтаў з карцінамі гарадскога і сялянскага побыту, велічнай пейзажнай панарамай. Сярод твораў: «Мадонна з немаўлём» з царквы Сант-Анджэла ў Віка л'Абаце каля Фларэнцыі (1319), «Мадонна на троне з немаўлём» (1330-я г.), фрэскі «Пакутніцтва францысканцаў» і «Зарок св. Людовіка Тулузскага» ў царкве Сан-Франчэска (1330-31), «Алегорыя Добрага і Кепскага кіравання і іх плады ў горадзе і вёсцы» ў Палацца Публіка (1337-39, абодва ў Сіене), алтарныя карціны «Прынясенне ў храм» (1342), «Дабравешчанне» (1344) і інш.

Галерэя

• 
  «Мадонна з немаўлём»
• 
  «Плён Добрага кіравання» (фрэска, дэталь)
• 
  «Прынясенне ў храм»
• 
  «Дабравешчанне»

Спасылкі

• На Вікісховішчы ёсць медыяфайлы па тэме Амброджа Ларанцэці