Антанін Янаўшак

Антанін Янаўшак
чэшск.: Antonín Janoušek
Старшыня чэхаславацкай секцыі КП Венгрыі 1919 — 1919
Старшыня Рэвалюцыйнага ўрадавага савета Славацкай савецкай рэспублікі. 20 чэрвеня 1919 года — 7 ліпеня 1919 года
Нараджэнне	22 жніўня 1877(1877-08-22) Німбурк[d], раён Німбурк[d], Чэхія
Смерць	30 сакавіка 1941(1941-03-30) (63 гады) Масква, РСФСР, СССР
Месца пахавання	Ольшанскія могілкі
Дзеці	Jaroslav Janoušek[d]
Партыя	ВКП, КП Чэхаславакіі
Дзейнасць	палітык, журналіст
Медыяфайлы на Вікісховішчы

Антанін Янаўшак (чэшск.: Antonín Janoušek; 22 жніўня 1877 года, Німбурк, Чэхія, — 30 сакавіка 1941 года) — дзеяч чэхаславацкага і сусветнага рабочага руху.

Янаўшак працаваў машынным манцёрам. У 1895 годзе ён уступіў у Чэхаславянскую сацыял-дэмакратычную рабочую партыю. З 1906 года Янаўшак працаваў журналістам і быў рабочым-актывістам.

З 1918 года жыў у Будапешце, актыўна ўдзельнічаючы ў мясцовым рэвалюцыйным працэсе. У 1919 годзе Яноўшак узначаліў чэхаславацкую секцыю пры ЦК Венгерскай камуністычнай партыі. З 20 чэрвеня па 7 ліпеня 1919 года — старшыня Рэвалюцыйнага ўрадавага савета Славацкай Cавецкай Рэспублікі.

У жніўні 1919 года, пасля падзення Савецкай улады ў Венгрыі і ўстанаўлення правай дыктатуры Міклаша Хорці быў зняволены ў турму, аднак у 1920 годзе перададзены чэхаславацкім уладам. У тым жа годзе прыняў удзел у прэзідэнцкіх выбарах, якія праходзілі ў парламенце, дзе выставіў сваю кандыдатуру супраць Томаша Масарыка, але атрымаў толькі 2 дэпутацкія галасы.

У 1921 годзе спрабаваў нелегальна перабрацца ў Савецкі Саюз, але быў затрыманы і абвінавачаны ў дзяржаўнай здрадзе. У 1922 годзе з'ехаў у СССР. Янаўшак стаў прадстаўніком Чувашскай аўтаномнай вобласці ў Міжрабдапе, займаўся дапамогай галадаючым Чувашыі. Заснаваў дзіцячы дом імя У. І. Леніна ў Чэбаксарах. Імем Янаўшака названа вуліца ў гэтым горадзе. Па некаторых дадзеных, стаў ахвярай сталінскіх рэпрэсій, па іншых — памёр натуральнай смерцю.