Отамар Крэйча

Отамар Крэйча
чэшск.: Otomar Krejča
Дата нараджэння	23 лістапада 1921(1921-11-23)[…]
Месца нараджэння	Скрышаў[d], Пельгржымаў[d], раён Пельгржымаў[d], Чэхія
Дата смерці	6 лістапада 2009(2009-11-06)[…] (87 гадоў)
Месца смерці	Прага, Чэхія[…]
Грамадзянства	Чэхія  Чэхаславакія
Жонка	Marie Tomášová[d]
Прафесія	акцёр, рэжысёр, тэатральны акцёр, тэатральны рэжысёр, сцэнарыст
Тэатр	Нацыянальны тэатр, Прага
Узнагароды	Заслужаны артыст Чэхаславакіі[d] Artis Bohemiae Amicis[d] (22 лістапада 2001) Q51955134? (2008) Q105046798? (2004)
IMDb	ID 0470718
Медыяфайлы на Вікісховішчы

О́тамар Крэ́йча (чэшск.: Otomar Krejča; 23 лістапада 1921, Скрышаў, Край Высачына — 6 лістапада 2009, Прага) — чэшскі акцёр тэатра і кіно, тэатральны рэжысёр, легенда нацыянальнага тэатра. Заслужаны артыст Чэхіі (1958).

Біяграфія

На сцэне з 1940 года. У 1946—1951 гадах акцёр пражскага Тэатра на Вінаградах. У 1960-я гг. ўзначальваў чэшскі тэатральны авангард. У 1956—1961 гадах галоўны рэжысёр Нацыянальнага тэатра ў Празе, у 1965—1912 гадах арганізатар і кіраўнік «Тэатра за бранаў».

Пасля 1968 года, калі падпісаў петыцыю «Дзве тысячы слоў», падвергнуўся рэзкай ідэалагічнай крытыцы, адхілены ад кіраўніцтва тэатрам, у 1972 годзе быў зачынены і сам тэатр. Пад ціскам сусветнай грамадскай думкі быў выпушчаны ўладамі за мяжу, ставіў спектаклі ў Аўстрыі, Італіі, Бельгіі, Францыі, ФРГ, Фінляндыі, Швецыі. Вярнуўся на радзіму пасля Аксамітнай рэвалюцыі. У 1991 годзе адкрыў «Тэатр за бранаў-2», у якім працаваў да канца жыцця.

Творчасць

Сярод роляў: Сірано дэ Бержарак (аднайменная п'еса Растана), Дон Жуан (аднайменная п'еса Мальера), Фёдар Пратасаў («Жывы труп» Л. Талстога), Самазванец («Барыс Гадуноў» А. Пушкіна) і інш. Паставіў п’есы А. Чэхава («Вішнёвы сад», «Тры сястры»), у т.л. ў Германіі, Швейцарыі, Італіі. Рэжысёрскай творчасці Крэйчы ўласцівы лірызм, схільнасць да аналізу, дакладнасць думкі.

Прызнанне

Прэмія Пірандэла (1978). Кавалер Ордэна мастацтваў і літаратуры (1978). Медаль ўрада Чэхіі За заслугі (1998). Прэмія Станіслаўскага (1999) і многія іншыя ўзнагароды. Ганаровы доктар Акадэміі музычнага мастацтва ў Празе (2002).

Літаратура

• Крэйча Атамар. Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).
• Černý J. Otomar Krejča. Praha: Orbis, 1964
• Otomar Krejča et le theatre Za Branou de Prague. Lausanne: La Cité, 1972

Спасылкі

• На Вікісховішчы ёсць медыяфайлы па тэме Отамар Крэйча
• [1] Архівавана 7 мая 2010. (чэшск.)
• У Слоўніку тэатра(недаступная спасылка) (італ.)
• На сайце IMDB