Лаўрынас Івінскіс

Лаўрынас Івінскіс
Лаўрынас Івінскіс
	Laurynas Ivinskis
Асабістыя звесткі
Дата нараджэння	15 жніўня 1810
Месца нараджэння	Бамбалай[d], Užventis Eldership[d], Кяльмскі раён, Літва;
Дата смерці	17 (29) жніўня 1881 (71 год)
Месца смерці	Мілвідай[d], Шаўляйскі раён, Літва;
Пахаванне	Куршэнай;
Грамадзянства	Літва;
Прафесійная дзейнасць
Род дзейнасці	пісьменнік, паэт, публіцыст, перакладчык
Мова твораў	літоўская мова
	Медыяфайлы на Вікісховішчы

Лаўры́нас Іві́нскіс (Лаўрын Івінскі; літ.: Laurynas Ivinskis; 15 жніўня 1810, вёска Бамбалай, цяпер Кяльмскі раён — 17 (29) жніўня 1881, вёска Мілвідай, цяпер Шаўляйскі раён) — літоўскі пісьменнік, паэт, публіцыст, перакладчык.

Біяграфія[правіць | правіць зыходнік]

Быў прыхадскім настаўнікам у Панявежскім павеце і дарэктарам.

Вядомы сваімі календарамі, якія выдаваў з 1847 года па 1864 год і затым у 1877 годзе; 19 з іх на літоўскай мове лацінскім шрыфтам, тры — кірыліцай. Календары Івінскіса ўяўлялі сабой свайго роду альманахі, у якіх, апроч звестак пра царкоўныя святы і кірмашы, даваліся артыкулы і нататкі па сельскай і хатняй гаспадарцы, па медыцыне і ветэрынарыі, а з 1852 года быў уведзены літаратурны аддзел. Календары Івінскіса друкаваліся ў Вільні ў друкарні вядомых віленскіх выдаўцоў і кнігагандляроў Завадскіх. У гісторыі асветы Літвы яго жмудскія календары адыгралі вялікае значэнне; яны замянялі літоўскую прэсу, якая ўзнікла толькі ў год яго смерці.

Пераклаў з нямецкай на літоўскую мову і выдаў у 1858 гісторыю пра Генавева («Genawejte») аўстрыйскага пісьменніка К. Шміда. Зрабіў скарочаны пераклад «Рабінзона Круза» Дэфо. Пакінуў цэлы шэраг ненадрукаваных рукапісаў: «Польска-літоўскі слоўнік», пераклады Мільтана, Ф. Юнга і іншых аўтараў.

Пахаваны ў Куршэнаі. На надмагіллі надпісы на літоўскай і польскай мовах.

У Паўночнай Амерыцы, у Пенсільваніі, пасля яго смерці ўтварылася еўрапейска-амерыканскае таварыства яго імя, якая стваіць мэтай распаўсюджвання ведаў пра літоўскі народ.

Зноскі

Спасылкі[правіць | правіць зыходнік]

Lauryno Ivinskio gimnazija Архівавана 19 мая 2005.
Laurynas Ivinskis (літ.)

Пры напісанні артыкула выкарыстаны матэрыял з Энцыклапедычнага слоўніка Бракгаўза і Эфрона (1890—1907).