Раймон Кено

Раймон Кено
фр.: Raymond Queneau
Асабістыя звесткі
Імя пры нараджэнні	фр.: Raymond Auguste Queneau
Дата нараджэння	21 лютага 1903(1903-02-21)[…]
Месца нараджэння	Гаўр, супольнасць агламерацыі Ле-Гаўр[d], дэпартамент Прыморская Сена, рэгіён Верхняя Нармандыя, Францыя[…]
Дата смерці	25 кастрычніка 1976(1976-10-25)[…] (73 гады)
Месца смерці	XIII акруга Парыжа, Парыж, рэгіён Іль-дэ-Франс, Метраполія Францыі, Францыя
Пахаванне	Жувізі-сюр-Орж[d]
Грамадзянства	Францыя
Жонка	Janine Kahn[d]
Дзеці	Jean-Marie Queneau[d]
Альма-матар	Парыжскі ўніверсітэт
Прафесійная дзейнасць
Род дзейнасці	паэт, драматург, раманіст, перакладчык, сцэнарыст, матэматык, пісьменнік
Кірунак	сюррэалізм
Мова твораў	французская
Грамадская дзейнасць
Член у	Каледж патафізікі[d] УЛІПО[d] comité de lecture des éditions Gallimard[d] (1976)
Прэміі	Prix des Deux Magots[d] Straelen Translator’s Prize provided by Kunststiftung NRW[d] (2017)
Подпіс
Творы ў Вікікрыніцах
Медыяфайлы на Вікісховішчы
Цытаты ў Вікіцытатніку

Раймон Кено (фр.: Raymond Queneau; 21 лютага 1903, Гаўр, Францыя — 25 кастрычніка 1976, Парыж) — французскі пісьменнік, эсэіст, перакладчык. Удзельнік сюррэалістычнага руху, адзін з заснавальнікаў «УЛІПО — Майстэрні патэнцыйнай літаратуры» (фр. Oulipo — Ouvroir de littérature potentielle), Трансцэндэнтальны Сатрап Каледжа Патафізікі, створанага як пародыя на навуковыя супольнасці са сваімі секцыямі, падсекцыямі, пасадамі і г.д.

Амаль усё жыццё працаваў у выдавецкім доме «Галімар», быў дырэктарам «Энцыклапедыі Плеяды». Вядомасць атрымаў дзякуючы раману «Зазі ў метро» (Zazie dans le métro, 1959), дзе даследуецца паўсядзённае маўленне ў супрацьстаўленні літаратурнай норме французскай мовы. У разнастайных па жанрах творах — ад матэматычных шарадаў да філасофскіх эсэ — часта эксперыментаваў, выкарыстоўваў фанетычную, т.зв. «новафранцузскую» мову, размоўную і жаргонную лексіку, распрацаваў цэлую сістэму «літаратурных пратэзаў» — фармальных абмежаванняў (паліндромы, ліпаграмы, анаграмы, г.д.), якія стымулююць уяўленне аўтара і дазваляюць пазбягаць штампаў і стэрэатыпаў. На беларускую мову вершы Раймона Кено перакладаў Зміцер Колас.