Серафім (Роўз)

Серафім
англ.: Seraphim Rose
Адукацыя	каледж Памона[d] Каліфарнійскі інстытут інтэгральных даследаванняў[d] Каліфарнійскі ўніверсітэт у Берклі Вышэйшая школа Сан-Дыега[d]
Дзейнасць	іераманах, рэлігійны пісьменнік
Месца працы	Патрыяршыя прыходы ў ЗША[d]
Нараджэнне	13 жніўня 1934(1934-08-13) Сан-Дыега, акруга Сан-Дыега, Каліфорнія, ЗША
Смерць	2 верасня 1982(1982-09-02) (48 гадоў) Платына[d], Шаста, Каліфорнія, ЗША
Пахаванне	Манастыр прападобнага Германа Аляскінскага[d]
Медыяфайлы на Вікісховішчы

Серафім, свецкае імя Юджын Роўз (англ.: Eugene Dennis Rose, англ.: Seraphim Rose; 12 жніўня 1934, Сан-Дыега, Каліфорнія — 2 верасня 1982, Плаціна, Каліфорнія) — дзеяч Рускай праваслаўнай царквы за мяжой, духоўны пісьменнік, іераманах.

Біяграфія

Амерыканец. Нарадзіўся ў пратэстанцкай сям’і. У 1956 годзе, скончыўшы каледж, паступіў у Акадэмію ўсходазнаўства ў Сан-Францыска. Захапляўся будызмам, працамі Лаа Цзы, вывучаў старажытнакітайскую мову, займаўся вывучэннем параўнальнага аналізу рэлігій.

Пасля наведвання рускага праваслаўнага сабора Усіх пакутуючых Радасці ў Сан-Францыска парваў з будызмам і пачаткаў наведваць праваслаўныя богаслужэнні, вучыць рускую мову, вывучаць кнігі аб Праваслаўі. У лютым 1962 годзе хрысціўся ў праваслаўе. У гэты час ён знаёміцца з нашчадкам рускіх эмігрантаў выпускніком праваслаўнай семінарыі ў Джорданвіле Глебам Падмашэнскім. Разам яны пачалі выдаваць бюлетэнь «Праваслаўны веснік», затым адкрылі пры храме краму «Праваслаўныя абразы і кнігі» — адну з першых у ЗША, якая стала адным з духоўных цэнтраў рускага праваслаўя ў Амерыцы. Юджын інтэнсіўна вывучаў рускую і царкоўнаславянскую мовы, быў чытальнікам у храме, скончыў тэалагічную школу ў Сан-Францыска.

У сярэдзіне 1960-х гадоў Юджын і Глеб вырашылі заснаваць праваслаўнае брацтва. У 1967 годзе на поўначы Каліфорніі ў лесе недалёка ад гарадка Плаціна быў набыты ўчастак зямлі, на якім быў збудаваны скіт. У 1969 годзе яны пераязджаюць у скіт, а ў 1970 годзе пастрыгаюцца ў манахі: Юджын пад імем Серафім (у гонар Серафіма Сароўскага), а Глеб пад імем Германа (у гонар Германа Аляскінскага). У манастыры яны працягваюць выдаваць «Праваслаўны веснік», пішуць і выдаюць працы духоўна-асветніцкага і багаслоўскага зместу, вядуць актыўную місіянерскую дзейнасць.

У 1977 году айцец Серафім пасвечаны ў святары. Памёр у 1982 годзе ва ўзросце 48 гадоў ад хваробы. Серафім (Роўз) — аўтар шматлікіх прац, якія аказалі вялікі ўплыў на праваслаўнае жыццё ў Амерыцы, выклікалі вялікую цікавасць у Расіі і актыўна перавыдаюцца і цяпер.