Такійскі ўніверсітэт

Такійскі ўніверсітэт
яп.: 東京大学
Заснаваны	12 красавіка 1877
Студэнты	28 218
Сайт	u-tokyo.ac.jp/ja/… (яп.) u-tokyo.ac.jp/en/… (англ.) u-tokyo.ac.jp/zh/… (кіт.) u-tokyo.ac.jp/ko/… (кар.)
Медыяфайлы на Вікісховішчы

Такі́йскі ўніверсітэ́т — адзін з найстарэйшых і найбуйнейшых унівэрсітэтаў Японіі, знакаміты таксама сваімі даследчымі лабараторыямі.

Заснаваны ў 1877 годзе як Нацыянальны ўніверсітэт у выніку зліцця трох навучальных устаноў: Сахэйко (цэнтр вывучэння канфуцыянства), Кайсэйго (заходняя культура) і Ігакуса (заходняя медыцына). З 1886 года Імператарскі ўніверсітэт, з 1897 года — Такійскі Імператарскі ўніверсітэт. Сучасная назва з 1947 года. У 1949 годзе да ўніверсітэта далучаны Першая і Такійская вышэйшыя школы.

Такійскі універсітэт мае пяць кампусаў — Хонг, Камаба, Касіва, Сіраканэ і Накана, а таксама 10 факультэтаў з 30 000 студэнтаў, у ліку якіх каля 2100 замежнікаў (што па японскіх стандартах лічыцца незвычайна буйной часткай). Хоць Такійскі ўніверсітэт мае факультэты, на якіх выкладаюць большасць акадэмічных дысцыплін, сярод іх найбольш вядомыя філалагічны і юрыдычны факультэты.

Вядомыя выпускнікі

• Акутагава Руноскэ (1892—1927) — японскі паэт і пісьменнік
• Эйсаку Сато (1901—1975) — прэм’ер-міністр Японіі

Літаратура

• Такі́йскі ўніверсітэ́т // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 393. — 10 000 экз. — ISBN 985-11-0035-8. — ISBN 985-11-0251-2 (т. 15).
• Токи́йский университе́т // Т. 26. Тихоходки — Ульяново. — М. : Советская энциклопедия, 1977. — С. 36. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)