Płomjo
| Płomjo | |
|---|---|
| Тып | дзіцячы часопіс[d] |
| Выдавец | Домавіна |
| Краіна | Германія |
| Заснавана | 1952 |
| Тэматыка | дзіцячы |
| Мова | верхнялужыцкая, ніжнялужыцкая |
| Узнагароды | Прэмія імя Якуба Чышынскага |
Płomjo (в.-луж. Полымя) — адзіны лужыцкі дзіцячы часопіс, які выдаецца ў Германіі. Выходзіць на верхнялужыцкай мове. Аналагічная версія на ніжнялужыцкай мове называецца «Płomje». Лаўрэат прэміі імя Якуба Чышынскага.
Гісторыя
Папярэднікам выдання быў дзіцячы рэлігійны часопіс «Raj» (Рай), які выходзіў у перыяд з 1906 па 1914 г. і 1923 па 1930 года.
Першы нумар сучаснага часопіса выйшаў у 1952 годзе. Выдаваўся перыядычнасцю 2 разы на месяц. З 1955 г. выходзіў адзін раз на месяц. У гэты час друкаваўся ў Дрэздэне ў выдавецтве «die Zeitschrift FDJ-Bezirksleitung Dresden». З 1952 года друкуецца ў выдавецтве «FDJ-Zentralrat». Часопіс выходзіў на 24 старонках, з якіх 8 былі надрукаваныя шматколерным афсетным спосабам. Выданне выкарыстоўвалася для вывучэння лужыцкіх моў у лужыцкамоўных навучальных установах. У 1960 годзе абедзве версіі часопіса на ніжнялужыцкай і верхнялужыцкай мовах налічвалі ў агульнай суме 6 тысяч асобнікаў і выкарыстоўваліся для школьнай адукацыі ў 49 сярэдніх навучальных установах. З 1972 года часопіса выкарыстоўваецца падчас навучання ў пачатковых класах.
У 1972 годзе калектыў часопіса быў удастоены прэміі імя Якуба Чышынскага.
Змест часопіса шматпрофільны і тычыцца розных тэм, звязаных з лужыцкай гісторыяй, культурай, этнаграфіяй. На старонках публікуюцца артыкулы аб спорце, навуцы, апавяданні і іншы літаратурны матэрыял.
У наш час часопіс таксама прызначаны для навучання дзяцей лужыцкім мовам у дашкольных установах і дзейнічае ў рамках культурна-моўнай праграмы «Witaj». Выданне выпускае лужыцкае выдавецтва «Domowina-Verlag GmbH Bautzen». З 2004 года выданне выходзіць адзін раз у месяц агульным накладам 2450 асобнікаў (на верхнялужыцкай мове — 1600 асобнікаў і на ніжнялужыцкай — 850 асобнікаў). Ніжнялужыцкая версія выдання выходзіць на 32 старонках. Верхнялужыцкі варыянт выходзіць на 40 старонках у фармаце А5. Галоўны рэдактар — Пётр Шолта.
Літаратура
- Manfred Thiemann (Hrsg.): Sorben. Ein kleines Lexikon. = Serbja. Domowina, Bautzen 1989, ISBN 3-7420-0405-0.
