Альберт Аляксеевіч Разін
Альберт Аляксеевіч Разін | |
---|---|
Дата нараджэння | 12 чэрвеня 1940 |
Месца нараджэння | Кузюмава, СССР |
Дата смерці | 10 верасня 2019 |
Месца смерці | Іжэўск, РФ |
Грамадзянства | СССР/РФ |
Род дзейнасці | этнограф, сацыёлаг, філосаф, актывіст, выкладчык універсітэта |
Навуковая сфера | Філасофія |
Месца працы | Удмурцкі дзяржаўны ўніверсітэт |
Навуковая ступень | Кандыдат філасофскіх навук |
Навуковае званне | Дацэнт |
Альма-матар | Удмурцкі Дзяржаўны Педагагічны Інстытут |
Вядомы як | Даследаванні удмурцкага этнасу |
Цытаты ў Вікіцытатніку |
Альберт Аляксеевіч Разін (12 чэрвеня 1940, с. Кузюмава, СССР — 10 верасня 2019, Іжэўск, Удмуртыя, Расія) — удмурцкі навуковец і грамадскі дзеяч. Абаронца удмурцкай мовы ад знікнення. Заслужаны навуковец Удмурцкай Рэспублікі. Кандыдат філасофскіх навук, дацэнт. Працаваў у Саюзе навукоўцаў Удмуртыі.
10 верасня 2019 года ў Іжэўску (Удмуртыя, Расія) Альберт Разін з выкарыстаннем бензіну здзейсніў акт самаспалення перад будынкам мясцовага Дзяржсавета. Разін трымаў плакат з цытатай дагестанскага паэта Расула Гамзатава : „І калі мая мова знікне заўтра, то я гатовы памерці сёння“. Альберт Разін атрымаў амаль 100% апёкаў цела, быў шпіталізаваны ў цяжкім стане і памёр у шпіталі праз некалькі гадзін[1].
Грамадская дзейнасць
Альберт Разін быў адным з заснавальнікаў лабараторыі нацыянальных стасункаў Удмурцкага дзяржаўнага ўніверсітэта (УДУ). У 1992 годзе ўдзельнічаў у стварэнні Інстытута Чалавека УДУ, быў яго дырэктарам[2], пакуль штат не быў амаль цалкам скарочаны. З таго часу стаў актывістам руху «Удмурт Кенеш». Разін змагаўся, каб дзеці вывучалі удмурцкую мову і не забывалі яе. Раней рыхтаваў зварот да дэпутатаў Дзяржсавета пад назвай «Удмурцкая нацыянальнасць знікае»[3].
Альберт Разін быў адным з навукоўцаў, якія ўлетку 2018 года звярнуліся з адкрытым лістом да старшыні Дзяржаўнага савету Удмуртыі Аляксея Прасолава і дэпутатаў з патрабаваньнем не падтрымліваць законапраект аб вывучэньні моў у школах, які пагаршаў статус удмурцкай мовы[4].
10 верасня 2019 года здзейсніў акт самаспалення[4].
Водгукі
Украінскі крымскататарскі палітык, былы старшыня Меджлісу крымскататарскага народу Мустафа Джэмілеў:
Па-першае, хацеў бы перадаць шчырыя спачуванні Удмурцкаму народу ў сувязі з трагічнай гібеллю патрыёта сваёй Радзімы, свайго народа. Па-другое, горка, вядома. Але гэта ў той жа час дае падставы да аптымізму — калі ў народа ёсць такія людзі як Разін, то ўдмурцкая мова не загіне. А тое, што адбылося — гэта наступства шавіністычнай русіфікатарскай палітыкі Расійскай Федэрацыі, якая ў цяперашні час значна горш, чым нават пры савецкай уладзе. Вельмі шкада.[5] |
Спікер эстонскага парламента Хен Пылуаас:
Вельмі шкада, што нашы роднасныя народы ў Расіі павінны такім чынам адстойваць права на родную мову. У 2020 годзе ў эстонскім Тарту адбудзецца Сусветны кангрэс фіна-вугорскіх народаў, дзе, безумоўна, будуць старанна разгледжаныя моўныя праблемы. Моўныя пытанні фіна-вугорскіх народаў, несумненна, важныя на з'ездзе. Гэты канкрэтны выпадак будзе адной з тэм у хадзе абмеркаванняў. Мы яшчэ раз выказваем спачуванні родным і блізкім.[6] |
Глядзіце таксама
Вонкавыя спасылкі
- Альберт Разин: «Удмуртский этнос исчезает на глазах» (руск.)
- Павел Казарин: Уроки самосожжения // Крым.Реалии (руск.)
- Виталий Портников: Самосожжение и русификация // Крым.Реалии (руск.)
Зноскі
- ↑ "Огнетушитель найти не смогли. И все стоят с камерами и снимают" // Idel.Реалии (руск.)
- ↑ УдГУ — Наука (архивная версия сайта) (руск.)
- ↑ Альберт Разин: «Удмуртский этнос исчезает на глазах» (руск.)
- ↑ а б Навуковец ва Ўдмуртыі падпаліў сябе. «Калі заўтра мая мова зьнікне, то я гатовы сёньня памерці» // Радыё Свабода
- ↑ Мустафа Джемилев: "А то, что произошло — это следствие шовинистической русификаторской политики РФ" // Idel.Реалии (руск.)
- ↑ Спикер парламента Эстонии: "Очень жаль, что наши родственные народы в России должны таким образом отстаивать право на родной язык" // Idel.Реалии (руск.)