Аляксандр Уладзіміравіч Джыгера
Поўнае імя | Аляксандр Уладзіміравіч Джыгера | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
15 красавіка 1996[1] (28 гадоў) |
||||||||||||||||||
Грамадзянства | Беларусь | ||||||||||||||||||
Рост | 170 см[2] | ||||||||||||||||||
Вага | 60 кг[2] | ||||||||||||||||||
Пазіцыя | паўабаронца | ||||||||||||||||||
Інфармацыя пра клуб | |||||||||||||||||||
Клуб | Смалявічы | ||||||||||||||||||
Нумар | 49 | ||||||||||||||||||
Клубная кар’ера[* 1] | |||||||||||||||||||
|
|||||||||||||||||||
Нацыянальная зборная[* 2] | |||||||||||||||||||
|
|||||||||||||||||||
Аляксандр Джыгера (нар. 15 красавіка 1996, Мінск) — беларускі футбаліст, паўабаронца клуба «Смалявічы».
Кар’ера
Клубная
Выхаванец дзіцячай школы мінскага МТЗ-РІПА, пазней трапіў у структуру барысаўскага БАТЭ. З 2013 года пачаў выступаць за дубль, таксама ў 2014 годзе выступаў за барысаўскі клуб у Юніёрскай лізе УЕФА.
З 2015 года пачаў прыцягвацца да асноўнай каманды. 4 красавіка 2015 года дэбютаваў у аснове БАТЭ ў матчы Кубка Беларусі супраць гродзенскага «Нёмана» (2:1), выйшаўшы на замену ў канцы сустрэчы. 18 чэрвеня таго ж года дэбютаваў у Вышэйшай лізе, выйшаўшы на замену ў матчы супраць «Віцебска» (4:0). У жніўні 2015 года быў аддадзены ў арэнду першалігавай «Зорцы-БДУ»[3], дзе трывала гуляў у аснове.
Па заканчэнні сезона 2015 вярнуўся з арэнды ў БАТЭ[4]. Перадсезонную падрыхтоўку ў пачатку 2016 года праходзіў з асноўнай камандай, але сезон пачаў у дублі барысаўчан, часам прыцягваўся да кубкавых матчаў. З лета стаў з’яўляцца ў асноўнай камандзе, выходзячы на замену. 21 верасня 2016 года, выйшаўшы ў стартавым складзе матча 1/8 Кубка Беларусі супраць «Іслачы», забіў 2 галы, чым дапамог БАТЭ атрымаць перамогу з лікам 4:2.
У першай палове сезона 2017 згуляў за БАТЭ ў 8 матчах чэмпіянату, звычайна выходзячы на замену ў канцы сустрэчы. У ліпені 2017 года быў аддадзены ў арэнду магілёўскаму «Дняпру»[5]. У першым жа матчы за новы клуб, 23 ліпеня, забіў гол у браму мінскага «Дынама» (выніковы лік 1:0), чым дапамог магіляўчанам прайсці ў чвэрцьфінал Кубка Беларусі. У складзе «Дняпра» стаў асноўным атакуючым паўабаронцам, аднак у канцы сезона страціў месца ў стартавым складзе і стаў выхадзіць на замену.
У студзені 2018 года, вярнуўшыся з арэнды, стаў трэніравацца з БАТЭ, аднак не трапіў на першы турэцкі збор каманды. У лютым 2018 года далучыўся да мінскага «Промня», якім неўзабаве быў арандаваны на сезон 2018. У першай палове сезона нярэдка з’яўляўся ў стартавым складзе, з ліпеня амаль перастаў выхадзіць на поле. У студзені 2019 года стала вядома пра тое, што паўабаронца па заканчэнні арэнды пакінуў «Прамень»[6], а неўзабаве барысаўскі клуб абвясціў аб развітанні з Джыгерам па заканчэнні кантракта[7].
Пасля зыходу з БАТЭ трэніраваўся з «Мінскам» і «Белшынай», а ў лютым 2019 года стаў іграком мінскага «Тарпеда»[8]. Быў асноўным паўабаронцам тарпедаўцаў. У ліпені 2019 года перайшоў у «Смалявічы»[9], дзе таксама замацаваўся ў стартавым складзе, дапамог клубу выйсці ў Вышэйшую лігу. У студзені 2020 года падоўжыў кантракт са «Смалявічамі»[10].
Міжнародная
У 2013—2014 гадах гуляў за юнацкую і юніёрскую зборныя Беларусі ў кваліфікацыі чэмпіянату Еўропы.
7 кастрычніка 2016 года дэбютаваў у моладзевай зборнай Беларусі, выйшаўшы на замену ў канцы адборачнага матча чэмпіянату Еўропы супраць Славакіі.
Дасягненні
- Чэмпіён Беларусі: 2016
- Уладальнік Кубка Беларусі: 2015
- Уладальнік Суперкубка Беларусі: 2017
Статыстыка выступленняў
Сезон | Дывізіён | Клуб | Краіна | Матчы | Галы |
---|---|---|---|---|---|
2013 | дубль | БАТЭ | 15 | 2 | |
2014 | дубль | БАТЭ | 28 | 2 | |
2015 (1) | Д1 | БАТЭ | 1 | 0 | |
2015 (2) | Д2 | Зорка-БДУ | 13 | 2 | |
2016 | Д1 | БАТЭ | 7 | 0 | |
2017 (1) | Д1 | БАТЭ | 8 | 0 | |
2017 (2) | Д1 | Дняпро | 13 | 1 | |
2018 | Д1 | Прамень | 14 | 2 | |
2019 (1) | Д1 | Тарпеда | 15 | 1 | |
2019 (2) | Д2 | Смалявічы | 14 | 3 |
Зноскі
- ↑ Aleksandr Dzhigero // Transfermarkt — 2000. Праверана 9 кастрычніка 2017.
- ↑ а б https://www.fcneman.by/komanda/main/735.html
- ↑ Футбол. БАТЭ отдал в аренду Владислава Климовича и Александра Джигеро
- ↑ Восемь игроков БАТЭ вернулись в клуб из аренд
- ↑ БАТЭ отдал Джигеро в аренду "Днепру"
- ↑ "Луч" расстался с Осипенко
- ↑ Джигеро покинул БАТЭ
- ↑ Джигеро стал игроком минского "Торпедо"
- ↑ Бутаревич и Джигеро из минского "Торпедо" перешли в "Смолевичи"
- ↑ «Смолевичи» вышли из отпуска!
Спасылкі
- Профіль на афіцыйным сайце БАТЭ (руск.)
- Профіль на сайце transfermarkt.com (англ.)
- Статыстыка на сайце footballfacts.ru (руск.)
- Профіль на сайце by.tribuna.com (руск.)
- Профіль на сайце soccerway.com (руск.)
- Профіль на сайце teams.by (руск.)
- Профіль на сайце pressball.by (руск.)
- Нарадзіліся 15 красавіка
- Нарадзіліся ў 1996 годзе
- Нарадзіліся ў Бярэзінскім раёне
- Асобы
- Спартсмены паводле алфавіта
- Футбалісты паводле алфавіта
- Нарадзіліся ў Мінску
- Футбалісты Беларусі
- Ігракі ФК Смалявічы
- Ігракі ФК Тарпеда Мінск
- Ігракі ФК Прамень Мінск
- Ігракі ФК Дняпро Магілёў
- Ігракі ФК БАТЭ
- Ігракі ФК Энергетык-БДУ