Шашуолей

Шашуолей
	Герб
Краіна	Літва
Павет	Вільнюскі
Раён	Вільнюскі
Сянюнія	Шашуолейская
Каардынаты	55°10′41″ пн. ш. 24°58′19″ у. д.HGЯO
Ранейшыя назвы	Шашолі
Насельніцтва	138 чал. (2011);
Часавы пояс	UTC+2, летам UTC+3
	Медыяфайлы на Вікісховішчы

Дагледжаная версія гэтай старонкі, зацверджаная 31 студзеня 2020, была заснавана на гэтай версіі.

Шашуо́лей (літ.: Šešuoliai, традыцыйная беларуская назва — Шашолі) — мястэчка ў Укмяргскім раёне Вільнюскага павета Літвы. Уваходзіць у склад Шашуолейскай сянюніі. Размешчана за 16 км на паўднёвы ўсход ад Укмярге. Насельніцтва на 2011 год — 138 чалавек.

Гісторыя

Вялікае Княства Літоўскае

Першы пісьмовы ўпамін пра Шашолі датуецца 1334 годам. У 1385 годзе яны ўвайшлі ў склад Віленскага павета Віленскага ваяводства.

У 1567 годзе Шашолі сталі мястэчкам, тут збудавалі касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Шашолі апынуліся ў складзе Расійскай імперыі, у Віленскім павеце Віленскай губерні.

Каля 1890 года ў Шашолях было 22 будынкі.

Найноўшы час

Па польска-літоўскіх баях і падпісанні пагаднення паміж міжваеннай Польскай Рэспублікай і Літвой у 1919 годзе Шашолі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

XIX стагоддзе: ~1890 год — 169 чал., з іх 140 каталікоў і 29 іўдзеяў^[1]
XXI стагоддзе: 2011 год — 138 чал.

Славутасці

Касцёл Святога Іосіфа Рамесніка (1751)
Сядзіба (XIX—XX стагоддзі)

Зноскі

↑ Krzywicki J. Szeszole // Słownik geograficzny Królestwa Polskiego i innych krajów słowiańskich. Tom XI: Sochaczew — Szlubowska Wola (польск.). — Warszawa, 1890. S. 909.

Спасылкі

На Вікісховішчы ёсць медыяфайлы па тэме Шашуолей
Шашуолей на сайце Radzima.org

[1] Krzywicki J. Szeszole // Słownik geograficzny Królestwa Polskiego i innych krajów słowiańskich. Tom XI: Sochaczew — Szlubowska Wola (польск.). — Warszawa, 1890. S. 909.

[1]