Іаган Філіп Густаў фон Эверс

Іаган Філіп Густаў фон Эверс
ням.: Johann Philipp Gustav von Ewers
Іаган Эверс, партрэт 1838 года
Дата нараджэння	4 ліпеня 1781(1781-07-04)
Месца нараджэння	Амелунксен[d], Беверунген, Хёкстэр, адміністрацыйная акруга Дэтмальд[d], Паўночны Рэйн-Вестфалія, Германія
Дата смерці	20 лістапада (2 снежня) 1830 (49 гадоў)
Месца смерці	Дэрпт, Дэрпцкі павет, Ліфляндская губерня, Расійская імперыя
Грамадзянства	Германія
Жонка	Q119455648?
Дзеці	Otto Roderich Ewers[d], Anna Beate Mathilde von Oettingen[d] і Marie Harnack[d]
Род дзейнасці	гісторык права, гісторык, прафесар, адвакат
Навуковая сфера	права Старажытнай Русі
Месца працы	Імператарскі Дэрпцкі ўніверсітэт
Альма-матар	Гётынгенскі ўніверсітэт
Член у	Пецярбургская акадэмія навук
Узнагароды
Медыяфайлы на Вікісховішчы

Іаган Эверс, партрэт 1827 года

Іаган Філіп Густаў фон Эверс (ням.: Johann Philipp Gustav von Ewers; 4 ліпеня 1781, вёска Амелунксен (каля Беферунгена), княства-біскупства Падэрборн — 8 (20) лістапада 1830, Дэрпт) — расійскі і германскі гісторык-юрыст, член-карэспандэнт (1809) і ганаровы член (1826) Пецярбургскай акадэміі навук.

Біяграфія

Эверс нарадзіўся ў сялянскай сям'і. У 1803 годзе скончыў Гётынгенскі ўніверсітэт, у якім вывучаў гістарычныя і юрыдычныя навукі пад кіраўніцтвам Геерена і Шлёцэра. Пасля заканчэння ўніверсітэта Эверс перабраўся ў Ліфляндыю, у Дэрпт, дзе спачатку ён быў дарэктарам. У 1809 годзе ён быў абраны членам-карэспандэнтам Пецярбургскай акадэміі навук. У 1810 годзе Эверсу прапанавалі быць у Дэрпцкім універсітэце прафесарам геаграфіі, статыстыкі і рускай гісторыі. У 1816 годзе ён абраны быў прарэктарам, а ў 1818 годзе — рэктарам. У 1826 годзе Эверс заняў кафедру дзяржаўнага народнага права і палітыкі. З 1813 па 1826 гады займаў яшчэ іншыя кафедры.

Навуковыя погляды

Развіццё грамадства Эверс уяўляў як працэс пераходу ад сям'і да роду і далей ад племя да дзяржавы. Гэта канцэпцыя аказала ўплыў на дзяржаўную школу рускай гістарыяграфіі. Таксама Эверс выказваў меркаванне пра хазарскае паходжанне варагаў, калі ў 1814 годзе адкрыў паўднёвую Русь, якая існавала яшчэ да прыходу Рурыка. У ёй ён бачыў хазараў (Пантыйскую Русь у адрозненне ад Волжскай Русі, таксама звязанай, паводле яго меркавання, з хазарамі), ад якіх рускія прынялі імя..

Навуковыя працы

• Vom Ursprunge des russischen Staats (1808)
• Kritische Vorarbeiten zur Geschichte der Russen (1814)
• Geschichte der Russen (1816)
• Das älteste Recht der Russen in seiner geschichtlichen Entwicklung (1826)
• Ueber die Quellen der Jaroslawischen Prawda

Літаратура

• Эверс, Иоганн Филипп Густав // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Іаган Філіп Густаў фон Эверс (руск.) — артыкул з Вялікай савецкай энцыклапедыі

Спасылкі

• Профіль Іагана Філіпа Густава фон Эверса на афіцыйным сайце РАН
• Біяграфія на сайце ostdeutsche-biographie.de (ням.)