Адкрыты ўніверсітэт (Вялікабрытанія)

Адкрыты ўніверсітэт
англ.: Open University
Арыгінальная назва	англ.: Open University
Заснаваны	1969
Размяшчэнне	Мілтан-Кінс
Сайт	open.ac.uk
Медыяфайлы на Вікісховішчы

Адкрыты ўніверсітэт (англ.: Open University) — брытанская дзяржаўная вышэйшая навучальная ўстанова са статусам універсітэта з сядзібай у горадзе Мілтан-Кінс і шматлікімі філіяламі.

Агульная характарыстыка

Заснаваны ўказам каралевы Лізаветы II у 1969 годзе. Мэта яго стварэння — даць магчымасць навучацца занятым людзям, якія жадаюць вучыцца ў зручным для іх месцы і ў зручны час. Універсітэт з'яўляецца буйнейшым універсітэтам у Вялікабрытаніі і мае каля 200 000 студэнтаў (2003). З моманту заснавання больш за тры мільёны студэнтаў прайшлі навучанне па праграмах універсітэта. Адміністрацыйная частка ўніверсітэта размешчана ў Мілтан-Кінс у графстве Бакінгемшыр. Акрамя таго, універсітэт мае рэгіянальныя аддзяленні ў 13 мясцінах па ўсёй краіне. За межамі Еўропы ўніверсітэт працуе праз сетку адукацыйных партнёраў, якія забяспечваюць навучальныя працэсы па ўніверсітэцкіх праграмах больш чым у 50 краінах свету.

Структура

• факультэт мастацтваў і сацыяльных навук
• факультэт бізнеса і права
• факультэт навук, тэхналогій, інжынерыі і матэматыкі
• факультэт дабрабыту, адукацыі, моў і спорту

Спасылкі

• На Вікісховішчы ёсць медыяфайлы па тэме Адкрыты ўніверсітэт (Вялікабрытанія)
• Афіцыйная інтэрнэт-старонка ўстановы