Правім Браняносец «Пацёмкін» (фільм)

{{Фільм}}
'''«Браняносец „Пацёмкін“»''' — нямы гістарычны мастацкі фільм, зняты рэжысёрам [[Сяргей Міхайлавіч Эйзенштэйн|Сяргеем Эйзенштэйнам]] на першай кінафабрыцы «Дзяржкіно» ў [[1925 год у гісторыі кіно|1925]] годзе. Неаднаразова ў розныя гады прызнаваўся лепшым або адным з лепшых фільмаў усіх часоў і народаў па выніках апытанняў крытыкаў, кінарэжысёраў і публікі.

== Сюжэт ==
Матросы аднаго з браняносцаў [[Чарнаморскі флот Расійскай імперыі|Чарнаморскага флоту]], які стаяў на рэйдзе [[Адэса|Адэсы]], узбунтаваліся з-за таго, што іх спрабавалі накарміць чарвівым мясам. Завадатары бунту прыгаворваюцца да расстрэлу. Аднак падчас выканання пакарання астатнія матросы кідаюцца ім на выручку. Афіцэраў карабля выкідваюць за борт, але натхняльнік паўстання матрос Вакуленчук гіне ў сутычцы.

Насельніцтва Адэсы сцякаецца на пахаванне Вакуленчука і падтрымлівае каманду рэвалюцыйнага карабля. Выкліканыя ўрадавыя войскі бязлітасна расстрэльваюць мірных жыхароў на знакамітай адэскай лесвіцы. На падаўленне паўстання накіроўваецца Чарнаморская эскадра, але матросы адмаўляюцца страляць па паўсталым, і браняносец «Пацёмкін» праходзіць праз строй караблёў.

У фінале трэцяга акта фільма на мачце браняносца лунае падняты паўстанцамі чырвоны сцяг. Заканчваецца карціна кадрам, на якім браняносец быццам бы «выплывае з фільма» ў залу.

== Акцёры і ролі ==
* Аляксандр Антонаў — ''Вакуленчук''
* Уладзімір Барскі — ''камандзір Голікаў''
* Рыгор Аляксандраў — лейтэнант Гіляроўскі
* Міхаіл Гамораў — ''матрос''
* Уладзімір Уральскі — ''матрос''
* Андрэй Файт — ''наборшчык''
* Сяргей Эйзенштэйн — ''адэсіт''
* Канстанцін Фельдман — ''змоўшчык-меншавік''

{{Зноскі}}

[[Катэгорыя:Выдатныя фільмы (Роджэр Эберт)]]
[[Катэгорыя:Фільмы СССР]]
[[Катэгорыя:Фільмы-драмы СССР]]
[[Катэгорыя:Чорна-белыя фільмы]]
[[Катэгорыя:Масфільм]]
[[Катэгорыя:Гістарычныя фільмы]]
[[Катэгорыя:Нямыя фільмы]]