Ёсеф Манес

Ёсеф Манес
чэшск.: Josef Mánes
Дата нараджэння	12 мая 1820(1820-05-12)[…]
Месца нараджэння	Прага, Каралеўства Багемія, Землі багемскай кароны, Аўстрыйская імперыя[…]
Дата смерці	9 снежня 1871(1871-12-09)[…] (51 год)
Месца смерці	Прага, Каралеўства Багемія, Цыслейтанія, Аўстра-Венгрыя
Месца пахавання	Ольшанскія могілкі
Грамадзянства	Аўстрыйская імперыя
Бацька	Антанін Манес[d]
Род дзейнасці	мастак, ілюстратар
Вучоба	Пражская акадэмія мастацтваў
Медыяфайлы на Вікісховішчы

Ёсеф Манес (чэшск.: Josef Mánes; 12 мая 1820, Прага — 9 снежня 1871, Прага) — чэшскі мастак, прадстаўнік рамантычнай плыні ў жывапісе.

Жыццё і творчасць

Ёсеф Манес нарадзіўся ў вядомай сям’і мастакоў. Жывапісцамі былі бацька Ёсефа, Антанін Манес, яго брат Гвіда Манес і сястра Амалія Манесава; дзядзька мастака, Вацлаў Манес, быў дырэктарам пражскай Мастацкай акадэміі. Першыя ўрокі жывапісу Ёсеф браў у свайго бацькі. З 1835 па 1844 гады ён вучыцца ў пражскай Мастацкай акадэміі, пад кіраўніцтвам прафесараў Францішка Ткадліка і Хрысціяна Рубена. Затым з’яжджае на два гады для працягу сваёй адукацыі ў Мюнхен. Пасля вяртання з Германіі Ёсеф Манес каля 20 гадоў жыве ў маёнтку графа Фрыдрыха Сільфа-Тарука, у яго палацы ў Чэхах пад Касыржам. Адсюль мастак здзяйсняе паездкі па Маравіі, Славакіі і Польшчы.

Ёсеф Манес прымаў актыўны ўдзел у культурным жыцці сваёй краіны. Ён быў чальцом мастацкага саюза Umělecká beseda, з’яўляўся аўтарам формы і сцягоў для розных грамадска-патрыятычных арганізацый Чэхіі. У 1857 годзе ён здзяйсняе паездку ў Расію, у 1860 годзе — у Італію, адкуль мастак вярнуўся душэўна хворым.

Ёсеф Манес лічыцца адным з найбуйнейшых чэшскіх нацыянальных мастакоў XIX стагоддзя. Да яго шматлікіх палотнаў адносяцца пейзажы, партрэты, гістарычны карціны, жанравыя сцэны, выявы кветак і раслін. Вядомыя яго творы, прысвечаныя вясковаму жыццю, а таксама Пражскага арлоя.