Іван Андрэевіч Алісіевіч

З пляцоўкі Вікіпедыя
Перайсці да навігацыі Перайсці да пошуку
Іван Андрэевіч Алісіевіч
Дата нараджэння 1899
Месца нараджэння
Род дзейнасці навуковец
Месца працы
Навуковая ступень кандыдат педагагічных навук (1955)
Альма-матар
Узнагароды
медаль «За доблесную працу ў Вялікай Айчыннай вайне 1941—1945 гг.»

Іван Андрэевіч Алісіевіч (нар. 1899, Мінская губерня, Расійская імперыя — ?) — беларускі педагог, кандыдат педагагічных навук (1955).

Біяграфія[правіць | правіць зыходнік]

У 1919 годзе скончыў настаўніцкую семінарыю і працаваў настаўнікам, а потым загадчыкам валаснога аддзела народнага адукацыі. З 1921 па 1925 год вучыўся ў Акадэміі Камуністычнага выхавання імя Н. К. Крупскай у Маскве, па сканчэнню якой працаваў выкладчыкам у педтэхнікумах Гомля і Мінска. З 1931 года з’яўляўся навуковым працаўніком НДІ камуністычнага выхавання ў Мінску. З 1932 па 1933 год працаваў дэканам педфакультета Мінскага педінстытута. З 1933 года працаваў у Гомельскім педінстытуце ў якасці старэйшага выкладніка кафедры педагогікі, якую ўзначальваў з 1933 па 1935 год. Пэўны час працаваў намеснікам дырэктара па завочным навучанні. У гады Вялікай Айчыннай вайны знаходзіўся ў эвакуацыі ў Кіраўскай вобласці, дзе працаваў дырэктарам школы.

У 1944 годзе вярнуўся ў вызвалены Гомель і праводзіў працу па аднаўленні Гомельскага педінстытута, займаючы пасады старэйшага інспектара Упращлення вышэйшай школы Народнага камісарыята асветы БССР, а потым в. а. дырэктара Гомельскага педінстытута.

У красавіку 1947 года на рэспубліканскай нарадзе кіраўнікоў кафедраў ВНУ БССР загадчык кафедры педагогікі Гомельскага педінстытута Алісіевіч І. А. выказаў занепакоенасць лёсам беларускай мовы. Гэтага было дастаткова, каб у маі 1947 года яго выступ абмяркоўваўся на адмысловым паседжанні бюро ЦК КП(б)Б і Алісіевічу І. А. было абвешчана строгае партыйнае спагнанне за няправільнае разуменне нацыянальнай палітыкі, якое было знята 29 снежня 1953 года.

У 1955 годзе у Маскоўскім дзяржаўным педагагічным інстытуце ім В. І. Леніна паспяхова абараніў дысертацыю на саісканне навуковай ступені кандыдата педагагічных навук на тэму «Педагагічныя пагляды Якуба Коласа». Працаваў на кафедры педагогікі Гомельскага педінстытута.

Узнагароды[правіць | правіць зыходнік]

Спасылкі[правіць | правіць зыходнік]

Літаратура[правіць | правіць зыходнік]

  • М.И. СТАРОВОЙТОВ, А.И. ЗЕЛЕНКОВА, М.П. САВИНСКАЯ. ГОМЕЛЬСКИЙ ГОСУДАРСТВЕННЫЙ УНИВЕРСИТЕТ ИМЕНИ ФРАНЦИСКА СКОРИНЫ: ИСТОРИЧЕСКИЙ ОЧЕРК. — Гомель: УО «ГГУ им. Ф. Скорины», 2005. — 359 с.