Іван Антонавіч Бірыла

Іван Антонавіч Бірыла
Дата нараджэння	1900
Месца нараджэння	Мінская губерня, Расійская імперыя
Дата смерці	3 сакавіка 1945(1945-03-03)
Месца смерці	Ліда, Лідскі раён, Баранавіцкая вобласць, БССР, СССР
Месца пахавання	Ліда Усходнія могілкі
Грамадзянства	Расійская імперыя  СССР
Род дзейнасці	хірург
Навуковая сфера	Медыцына
Месца працы	Беларускі медыцынскі інстытут
Навуковая ступень	кандыдат медыцынскіх навук
Альма-матар	Беларускі дзяржаўны ўніверсітэт

Іван Антонавіч Бірыла (1900, Голтна Мінскай губерні — 3 сакавіка 1945, Ліда) — беларускі хірург. Кандыдат медыцынскіх навук (1938).

Біяграфічныя звесткі

Закончыў медыцынскі факультэт БДУ (1927). З 1932 па 1935 ўзначальваў міжхірургічнае аддзяленне ў Слуцку. Асістэнт хірургічнай клінікі Беларускага медыцынскага інстытута (1935), старшы навуковы супрацоўнік эксперыментальнай лабараторыі АН БССР. Удзельнік фінскай кампаніі. Вялікая Айчынная вайна заспела на яго адпачынку ў Друскеніках. Адыходзіў, пад Смаленскам патрапіў у палон. Вярнуўся ў Мінск, дзе з сям'ёю жыў да вайны; дом згарэў, загінулі матэрыялы доктарскай дысертацыі. У маі 1942 пераехаў у Ліду, пачаў працаваць у хірургічным аддзяленні лякарні для мясцовага насельніцтва. Перадаваў партызанам медыкаменты. Пахаваны ў Лідзе.

Навуковая дзейнасць

У 1938 г. І. А. Бірыла паспяхова абараніў кандыдацкую дысертацыю «Артэрыяльнае ўліванне крыві пры шоку, агоніі і спыненні сэрца». Распрацоўшчык методыкі ажыўлення шляхам артэрыяльнага нагнятання крыві ў сэрца. Па прапанове праф. Ф. А. Андрэева, упершыню ў свеце ва ўмовах клінікі прымяніў артэрыяльнае нагнятанне крыві для ажыўлення людзей, якія знаходзіліся ў стане шоку, агоніі, клінічнай смерці.

Літаратура

• Бирилло І. А. Хирургия, 1939, № 8, стар. 3. — Бирилло І. А., Берман С. Ш. Там жа, 1941, № 6-7, стар. 50.
• І. А. Бірыла. Артэрыяльнае ўліванне крыві пры шоку, агоніі і спыненні сэрца. Хірургія, 1939, № 8, стар. 3-17.

Спасылкі

• Бірыла Іван