Іван Піліпавіч Валошын

Іван Піліпавіч Валошын
Міністр дзяржаўнага кантролю БССР 1946 — 1951
Кіраўнік урада	Панцеляймон Панамарэнка Аляксей Кляшчоў
Папярэднік	ён сам, як наркам
Пераемнік	Аляксей Кулікоў
Народны камісар дзяржаўнага кантролю БССР 1940 — 1946
Кіраўнік урада	Іван Былінскі Панцеляймон Панамарэнка
Папярэднік	пасада заснаваная
Пераемнік	ён сам, як міністр
Нараджэнне	29 ліпеня 1903(1903-07-29) Аўдзііўка, Q20072517?, Бахмуцкі павет[d], Кацярынаслаўская губерня, Расійская імперыя
Смерць	18 студзеня 1969(1969-01-18) (65 гадоў) Мінск, БССР, СССР
Адукацыя	Маскоўскі энергетычны інстытут (1930)
Навуковая ступень	доктар тэхнічных навук
Узнагароды

Іва́н Пілі́павіч Валошын (11 жніўня (29 ліпеня) 1903, Аўдзііўка, цяпер Данецкая вобласць, Украіна — 18 студзеня 1969, Мінск) — беларускі дзяржаўны дзеяч, вучоны ў галіне энергетыкі. Доктар тэхнічных навук (1965), прафесар (1966).

Біяграфія

Скончыў Маскоўскі энергетычны інстытут (1930).

У 1938—1940 інструктар ЦК КП(б)Б. З 1940 года намеснік старшыні Савета Народных Камісараў БССР, адначасова наркам дзяржаўнага кантролю БССР. У гады Вялікай Айчыннай вайны ў Беларускім штабе партызанскага руху, намеснік начальніка спецшколы па палітчастцы..

З 1951 года кіраўнік энергасектара, потым Інстытута энергетыкі Акадэміі навук БССР. Навуковыя працы ў галіне энергетыкі, распрацоўкі і ўкаранення паўправадніковых прыбораў.

Кандыдат у члены ЦК КПБ (1949—1953). Дэпутат Вярхоўнага Савета БССР (1947—1950).

Бібліяграфія

• Развитие энергетики Белоруссии, Мн., 1960.
• Переходные процессы в цепях с термисторами, Мн., 1967.

Літаратура

• Валошын Іван Піліпавіч // Беларуская Савецкая Энцыклапедыя. У 12 т. Т. 2. Афіны — Ведрыч / Рэдкал.: П. У. Броўка (гал. рэд.) і інш. — Мн.: БелСЭ, 1970. — С. 579. — 640 с.: іл., карты.

‎