Іван Каятанавіч Бардзілоўскі

Іван Каятанавіч Бардзілоўскі
Дата нараджэння	8 (20) кастрычніка 1852
Дата смерці	13 (26) снежня 1903 (51 год)
Месца смерці	Кіеў, Кіеўская губерня, Расійская імперыя
Дзеці	Яўген Іванавіч Бардзілоўскі[d]
Род дзейнасці	батанік
Месца працы	Кіеўскі нацыянальны ўніверсітэт імя Тараса Шаўчэнкі
Альма-матар	Кіеўскі нацыянальны ўніверсітэт імя Тараса Шаўчэнкі

Іван Каятанавіч Бардзілоўскі (8 (20) кастрычніка 1852 — 13 (26) снежня 1903, Кіеў) — расійскі прыродазнавец, педагог.

Біяграфія

Нарадзіўся ў в. Лучыцы на Мазыршчыне. У 1883 годзе скончыў Кіеўскі ўніверсітэт, у якім з 1884 года i да канца жыцця працаваў спачатку лабарантам, потым хавальнікам батанічнага кабінета. Актыўна ўдзельнічаў у працы Кіеўскага таварыства даследчыкаў прыроды, правадзейным членам якога быў з 1886 года. Яшчэ студэнтам 3-га курса падрыхтаваў працу «Спосаб развіцця ягадных i мясістых пладоў», якая была станоўча ацэнена прафесарам І. В. Баранецкім. Даследаваў развіццё некалькіх відаў раслін. Падрыхтаваў да выдання рукапіс працы вядомага батаніка І. Ф. Шмальгаўзена «Флора Паўднёва-Заходняй Расіі» (1886).

Літаратура

• Мысліцелі і асветнікі Беларусі : энцыклапедычны даведнік / Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1995.
• Беларускія вучоныя, даследчыкі і вынаходнікі ў галіне тэхнічных і натуральных навук (другая палова XVII — першая чвэрць XX ст.) / В. Я. Бездзель, В. М. Хаданёнак. — Віцебск, 2018.

Спасылкі

• Бардзілоўскі Іван Каятанавіч на сайце анлайн-энцыклапедыі «Беларусь у асобах і падзеях»