Перайсці да зместу

Іван Лазаравіч Крупскі

З Вікіпедыі, свабоднай энцыклапедыі
Іван Лазаравіч Крупскі
Род дзейнасці трактарыст
Дата нараджэння 25 кастрычніка 1926(1926-10-25)
Месца нараджэння
Дата смерці 13 снежня 1987(1987-12-13) (61 год)
Месца смерці
Узнагароды і прэміі
Герой Сацыялістычнай Працы
ордэн Леніна ордэн Леніна медаль «За адвагу» медаль «За асваенне цалінных зямель»
У Вікіпедыі ёсць артыкулы пра іншых людзей з прозвішчам Крупскі.

Іван Лазарэвіч Крупскі (25 кастрычніка 1926, в. Першыно Горацкага раёна — 13 снежня 1987, в. Боркі Бараўскога раёна Кустанайскай вобласці) — Герой Сацыялістычнай Працы (1957).

Біяграфія

[правіць | правіць зыходнік]

У 1938—1941 гадах працаваў у сяльгасартэлі «Першамайскі» Горацкага раёна. З 1944 па 1947 год служыў у Савецкай Арміі. Вызначыўся ў баях за горад Голдап (цяпер Польшча) і 21 кастрычніка 1944 года быў паранены. Быў узнагароджаны медалём «За адвагу».

У 1948—1954 гадах — трактарыст-камбайнер Горскай МТС Горацкага раёна. У 1955 годзе прыехаў у Казахстан на асваенне цаліны і стаў працаваць трактарыстам у саўгасе «Баркоўскі». У першы ж год на трактары ДТ-54 узараў 915 гектараў цаліны. Увесну 1956 году выканаў заданне на 156 працэнтаў. Калі паспеў ураджай, ён пачаў працаваць камбайнёрам сцэпам двух камбайнаў і намалаціў 18 тысяч цэнтнераў збожжа. Восенню 1956 году зноў сеў за руль трактара і стаў падымаць зябліва. І тут сістэматычна перавыконваў зменныя заданні. Гэтыя паказчыкі былі найлепшымі на казахстанскай цаліне. Адзін з першых цаліннікаў Казахстана, каму 11 студзеня 1957 года было прысвоена званне Героя Сацыялістычнай Працы.

У наступныя гады працягваў працаваць у саўгасе «Баркоўскі». Яго імя неаднаразова заносілася на Дошку гонару саўгаса. Абіраўся членам Кустанайскай абкама кампартыі Казахстана. Памёр у 1983 годзе.

Літаратура

[правіць | правіць зыходнік]
  • Крупский Иван Лазаревиіч // Герои Социалистического Труда — казахстанцы.- Алма-Ата: 1970. Т. 3. С. 175—176.
  • Ліўшыц, У. М. Гонар і слава Горацкай зямлі. У 3-х кнігах. Кніга 3. Героі Сацыялістычнай Працы, заслужаныя работнікі народнай гаспадаркі, культуры, мастакі і пісьменнікі художники.-Горкі: С. 13

Узнагароды

[правіць | правіць зыходнік]

Спасылкі

[правіць | правіць зыходнік]
Узята з "https://be.wikipedia.org/wiki/Іван_Лазаравіч_Крупскі"