Іван Міхайлавіч Масквін

Іван Міхайлавіч Масквін
руск.: Иван Москвин
Дата нараджэння	6 (18) чэрвеня 1874
Месца нараджэння	Масква, Маскоўская губерня, Расійская імперыя
Дата смерці	16 лютага 1946(1946-02-16) (71 год)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  РСФСР  СССР
Жонка	Ала Тарасава
Адукацыя	Расійскі інстытут тэатральнага мастацтва[d]
Прафесія	акцёр, тэатральны рэжысёр, кінарэжысёр, палітык
Гады актыўнасці	1895 — 1946
Узнагароды
IMDb	ID 0608805
Медыяфайлы на Вікісховішчы

Іван Міхайлавіч Маскві́н (18 чэрвеня 1874, Масква — 16 лютага 1946, Масква) — савецкі акцёр, Народны артыст СССР (1936). Брат М. М. Тарханава.

Біяграфія

Скончыў Музычна-драматычнае вучылішча Маскоўскага філарманічнага таварыства (1896). 3 1896 года ў Яраслаўскім тэатры, тэатры Корша ў Маскве. 3 1898 года ў Маскоўскім Мастацкім тэатры (з 1943 года дырэктар).

Творчасць

Творчасць Масквіна вызначалася мастацтвам пераўвасаблення, жыццёвай дакладнасцю вобразаў, імкненнем да раскрыцця іх унутранай сутнасці, ярка выражаным нацыянальным характарам. Сярод роляў: цар Фёдар («Цар Фёдар Іаанавіч» А. Талстога), Федзя Пратасаў («Жывы труп» [[|Л. Талстога]]), Фама Апіскін («Сяло Сцяпанчыкава» паводле Ф. Дастаеўскага), Наздроў («Мёртвыя душы» паводле М. Гогаля), Епіходаў («Вішнёвы сад» А. Чэхава), Хлынаў («Гарачае сэрца» А. Астроўскага), Лука («На дне» М. Горкага), Пугачоў («Пугачоўшчына» К. Транёва) і інш. Выступаў як рэжысёр: «Сіняя птушка» М. Метэрлінка і «Рэвізор» Гогаля (1908), «Месяц на вёсцы» І. Тургенева (1909) і інш.

Здымаўся ў кіно: «Палікушка» (1919, вып. 1922), «Калежскі рэгістратар» (1925) і інш. У 1941 годзе з тэатрам гастраліраваў у Мінску.

Узнагароды

• Дзяржаўная прэмія СССР (1943 і 1946)

Памяць

У Мінску яго імем названа вуліца (1948) і завулак.

Літаратура

• Маскві́н Іван Міхайлавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 173—174. — 10 000 экз. — ISBN 985-11-0035-8. — ISBN 985-11-0169-9 (т. 10).
• Соловьёва И. Н. Москви́н Иван Михайлович // Театральная энциклопедия. В 5 томах. / Под редакцией С. С. Мокульского (том 1), П. А. Маркова (тома 2—5). — М., Советская энциклопедия, 1961—1967. — Т. 3: Кетчер — Нежданова. — М., 1964. — Стб. 929—931. — 1086 стб. с илл., 7 л. илл. — 41 300 экз. (руск.)