Іван Пятровіч Першукевіч
Іван Пятровіч Першукевіч | |
---|---|
Дата нараджэння | 12 лютага 1912 |
Месца нараджэння | |
Дата смерці | 25 снежня 1980 (68 гадоў) |
Месца смерці | |
Грамадзянства | |
Бітвы/войны | |
Узнагароды і прэміі |
Іван Пятровіч Першукевіч (12 лютага 1912, в. Пятрэвічы, Баранавіцкі раён, Брэсцкая вобласць — 25 снежня 1980, Баранавічы) — чыгуначнік, Герой Сацыялістычнай Працы
Біяграфія[правіць | правіць зыходнік]
Працаваў мулярам, потым слесарам дэпо ст. Орша. У 1934—1936 гадах служыў у Чырвонай Арміі. З 1939 года пасля заканчэння трохгадовай тэхнічнай школы працаваў машыністам паравознага дэпо чыгуначнай станцыі ў Кіраўскай вобласці.
У Вялікую Айчынную вайну стаў ініцыятарам скораснага ваджэння франтавых эшалонаў.
У 1946 годзе вярнуўся ў Беларусь і быў прызначаны на інжынерную пасаду ва ўпраўленне Брэст-Літоўскай чыгункі. Але праца ў кабінеце была яму не па душы, і ён перайшоў у дэпо Баранавічы, працаваў машыністам-інструктарам. Зноў узначаліў брыгаду цягніка і давёў прабег лакаматыва да 1 мільёна 100 тысяч кіламетраў. Вадзіў саставы да выхаду на пенсію. Тры разы абіраўся дэпутатам Вярхоўнага Савета Беларускай ССР.
Яго імем названа вуліца ў г. Баранавічы.
Узнагароды[правіць | правіць зыходнік]
У ліпені 1942 года быў узнагароджаны медалём «За працоўную доблесць». У кастрычніку 1943 г. «за асаблівыя заслугі ў забеспячэнні перавозак для фронту і народнай гаспадаркі і выдатныя дасягненні ў аднаўленні чыгуначнай гаспадаркі ў цяжкіх умовах ваеннага часу» прысвоена званне Героя Сацыялістычнай Працы з уручэннем ордэна Леніна і залатога медаля «Серп і Молат». Уручаны знак «Ганаровы чыгуначнік». Чатырохразовы лаўрэат Дзяржаўнай прэміі СССР. У жніўні 1957 г. узнагароджаны ордэнам Працоўнага Чырвонага Сцяга.
Зноскі
Спасылкі[правіць | правіць зыходнік]
- Асобы
- Нарадзіліся 12 лютага
- Нарадзіліся ў 1912 годзе
- Нарадзіліся ў Беларусі
- Памерлі 25 снежня
- Памерлі ў 1980 годзе
- Памерлі ў Баранавічах
- Героі Сацыялістычнай Працы
- Кавалеры ордэна Леніна
- Кавалеры ордэна Працоўнага Чырвонага Сцяга
- Узнагароджаныя медалём «За працоўную доблесць»
- Лаўрэаты Дзяржаўнай прэміі СССР
- Дэпутаты Вярхоўнага Савета БССР 2-га склікання
- Дэпутаты Вярхоўнага Савета БССР 3-га склікання
- Дэпутаты Вярхоўнага Савета БССР 4-га склікання