Іван Сцяпанавіч Яжкоў

Іван Сцяпанавіч Яжкоў
руск.: Иван Степанович Ежков
Дата нараджэння	15 мая 1923(1923-05-15)
Месца нараджэння	Вялікае Чараватава[d], Дзівееўскі сельсавет[d], Ардатаўскі павет[d], Ніжагародская губерня, РСФСР, СССР
Дата смерці	25 чэрвеня 1944(1944-06-25) (21 год)
Месца смерці	Рудзіцы, Гарадзішчанскі сельсавет, Шклоўскі раён, Магілёўская вобласць, БССР, СССР
Месца пахавання	Чэрнеўка
Грамадзянства	СССР
Прыналежнасць	СССР
Род войскаў	пяхота
Гады службы	1940—1944
Званне	сяржант
Бітвы/войны	Вялікая Айчынная вайна
Узнагароды і званні
Медыяфайлы на Вікісховішчы

Іван Сцяпанавіч Яжкоў (руск.: Иван Степанович Ежков; 15 мая 1923 — 26 чэрвеня 1944) — удзельнік Вялікай Айчыннай вайны, сяржант. Герой Савецкага Саюза (1945, пасмяротна).

Біяграфія

І. С. Яжкоў нарадзіўся ў вёсцы Вялікае Чараватава (Дзівееўскі раён Ніжагародскай вобласці). У горадзе Кулябакі атрымаў няпоўную сярэднюю адукацыю. У Чырвонай Арміі з 1940 года. Падчас Вялікай Айчыннай вайны з 1941 года на 2-м Беларускім фронце.

Памочнік камандзіра ўзвода 563-га стралковага палка (153-я стралковая дывізія, 49-я армія, 2-гі Беларускі фронт) сяржант І. Стралкоў вызначыўся 26 чэрвеня 1944 г. пры фарсіраванні ракі Бася ў раёне вёскі Рудзіца Шклоўскага раёна Магілёўскай вобласці. Група байцоў, у складзе якой быў І. Стралкоў, пераадолела водную перашкоду і ўступіла ў бой за плацдарм. У рашаючы момант бою сяржант І. Стралкоў сваім целам закрыў амбразуру дзота праціўніка і цаной свайго жыцця забяспечыў выкананне баявой задачы.

Быў пахаваны на месцы бою, пазней перапахаваны на брацкіх могілках у вёсцы Чэрнеўка Дрыбінскага раёна Магілёўскай вобласці.

Указам Прэзідыума Вярхоўнага Савета СССР ад 24 сакавіка 1945 года сяржанту І. С. Стралкову пасмяротна прысвоена званне Героя Савецкага Саюза. Узнагароджаны ордэнам Леніна.

Памяць

• Імем героя названая плошча ў горадзе Кулябакі Ніжагародскай вобласці (Расія).
• Імя Героя прысвоена піянерскай дружыне ДУА «Чэрнеўскі вучэбна-педагагічны комплекс яслі-сад-сярэдняя школа школа» ў аграгарадку Чэрнеўка Дрыбінскага раёна Магілёўскай вобласці (Беларусь).

Літаратура

• Беларуская энцыклапедыя: У 18 т. Т. 18. Кн. 1.: Дадатак: Шчытнікі — ЯЯ / Рэдкал.: Г. П. Пашкоў і інш.. — Мн.: БелЭн, 2004. — Т. 18. — С. 244. — 472 с. — 10 000 экз. — ISBN 985-11-0295-4 (Т. 18. Кн. 1.).

Спасылкі

• Іван Сцяпанавіч Яжкоў на сайце «Героі краіны»
• Сайт Администрации Кулебакского района Нижегородской области (руск.)
• Тетерин М. Герои прорыва // Сайт Дрыбінскай раённай газеты «Савецкая вёска» Архівавана 4 сакавіка 2016. (руск.)