Ігар Васілевіч Таланкін

Ігар Васілевіч Таланкін
Дата нараджэння	3 кастрычніка 1927(1927-10-03)
Месца нараджэння	Нагінск, Багародскі павет[d], Маскоўская губерня, РСФСР, СССР
Дата смерці	24 ліпеня 2010(2010-07-24) (82 гады)
Месца смерці	Масква, Расія
Месца пахавання	Данілаўскія могілкі[d]
Грамадзянства	СССР  Расія
Адукацыя	Расійскі інстытут тэатральнага мастацтва[d] (1955) Вышэйшыя курсы сцэнарыстаў і рэжысёраў (1959)
Месца працы	Усерасійскі дзяржаўны ўніверсітэт кінематаграфіі імя С. А. Герасімава Масфільм Львоўскі драматычны тэатр імя Лесі Украінкі[d]
Прафесія	кінарэжысёр, сцэнарыст, выкладчык універсітэта, тэатральны педагог
Член у	Саюз кінематаграфістаў СССР
Узнагароды	Crystal Globe[d] (1960)
IMDb	ID 0847803

Ігар (Індустрый) Васілевіч Тала́нкін (руск.: И́горь (Индустрий) Васи́льевич Тала́нкин; 3 кастрычніка 1927 — 24 ліпеня 2010) — савецкі і расійскі кінарэжысёр, сцэнарыст, педагог. Народны артыст РСФСР (1974), Народны артыст СССР (1988).

Біяграфія

Нарадзіўся ў горадзе Багародск Маскоўскай губерні (сучасны Нагінск у Маскоўскай вобласці Расіі). У 1950-годзе скончыў у Маскве Тэатральна-музычнае вучылішча імя А. Глазунова (майстэрня І. М. Туманава. У час вучобы Ігар Таланкін ў 1947—1950 гадах працаваў у тэатральнай студыі пры Палацы культуры ЗІЛа. У 1955 годзе скончыў Дзяржаўны інстытут тэатральнага мастацтва. У 1955—1956 гадах рэжысёр Драматычнага тэатра Прыкарпацкай ваеннай акругі (цяпер Львоўскі драматычны тэатр імя Лесі Украінкі). У 1959 годзе скончыў Вышэйшыя курсы сцэнарыстаў і рэжысёраў пры «Масфільме» (майстэрня Ю. Райзмана). У 1964—1989 гадах І. В. Таланкін кіраваў майстэрняй ва Усесаюзным дзяржаўным інстытуце кінематаграфіі (з 1976 года прафесар). З 1971 года сакратар праўлення Саюза кінематаграфістаў СССР. Старшыня праўлення студыі «Час» канцэрна «Масфільм» з 1994 года.

Памёр Ігар Васілевіч Таланкін 24 ліпеня 2010 года ў Маскве. Пахаваны на Данілаўскіх могілках.

Творчасць

У кіно дэбютаваў лірыка-псіхолагічнай стужкай «Сярожа» (1960, разам з Г. М. Данелія; Гран-пры Міжнароднага кінафестываля ў горадзе Карлавы Вары, прыз Канскага кінафестываля). Паставіў фільмы «Уступ» (1963, прыз Міжнароднага кінафестываля ў Венецыі, прыз Канскага кінафестываля), «Дзённыя зоркі» (1968), «Чайкоўскі» (1970), «Выбар мэты» (1976), «Айцец Сергій» (1978), «Час адпачынку ад суботы да панядзелка» (1984), «Восень, Чартанава»(1988, разам з Д. І. Таланкіным), «Д’яблы» (1992, разам з Д. І. Таланкіным), «Нябачны вандроўнік» (1998, разам з Д. І. Таланкіным) і інш.

Сааўтар сцэнарыяў да фільмаў «Матчына поле» (1968), «На зыходзе ночы» (1987).

Літаратура

• Тала́кнін Ігар (Індустрый) Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 398. — 10 000 экз. — ISBN 985-11-0035-8. — ISBN 985-11-0251-2 (т. 15).
• Шилова И. М. Тала́нкин (Индустрий) Игорь Васильевич // Кино. Энциклопедический словарь (руск.) / Гл. ред. С. И. Юткевич; редкол.: Ю. С. Афанасьев, В. Е. Баскаков, И. В. Вайсфельд и др.. — М.: Советская энциклопедия, 1987. — С. 416. — 637 с. — 100 000 экз.

Спасылкі

• Сергей Ильченко Режиссёр, который искал и находил // Невское время (руск.)
• Таланкин Игорь Васильевич // ФГУП "Киноконцерн «Мосфильм» (руск.)
• Валентин Пепеляев Белорусские ученики через всю жизнь пронесли благодарность к режиссеру Игорю Таланкину (руск.) // СБ. Беларусь сегодня
• Михаил Косырев-Нестеров 95 лет Игорю Васильевичу Таланкину! // Киностудия «М»-Фильм) (руск.)