Ігар Мікалаевіч Стасевіч

З пляцоўкі Вікіпедыя
Jump to navigation Jump to search
Футбол
Ігар Стасевіч
Ukr-Belorus 15 (11).jpg
Агульная інфармацыя
Поўнае імя Ігар Мікалаевіч Стасевіч
Нарадзіўся 21 кастрычніка 1985(1985-10-21)[1] (34 гады)
Грамадзянства Flag of Belarus.svg Беларусь
Рост 180 см
Вага 75 кг
Пазіцыя паўабаронца
Інфармацыя пра клуб
Клуб Беларусь БАТЭ
Нумар 22
Кар’ера
Клубная кар’ера*
2002 — 2010 Беларусь БАТЭ (Барысаў) 116 (8)
2010 Расія Волга (Ніжні Ноўгарад) 6 (1)
2011 Беларусь Гомель 32 (5)
2012 — 2014 Беларусь Дынама (Мінск) 87 (14)
2015 — Беларусь БАТЭ (Барысаў) 104 (26)
Нацыянальная зборная**
2006 Беларусь Беларусь (да 21) 2 (0)
2007 — Беларусь Беларусь 51 (5)
Міжнародныя медалі
Дзяржаўныя і ведамасныя ўзнагароды
Нагрудны знак адрознення Майстар спорту Рэспублікі Беларусь міжнароднага класа.png

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 5 снежня 2018.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 14 кастрычніка 2019.

Ігар Стасевіч (нар. 21 кастрычніка 1985, Барысаў) — беларускі футбаліст, паўабаронца барысаўскага БАТЭ і нацыянальнай зборнай Беларусі. Футбаліст года Беларусі (2015, 2018).

Кар’ера[правіць | правіць зыходнік]

Клубная[правіць | правіць зыходнік]

Выхаванец барысаўскага футбола, доўгі час гуляў за БАТЭ. 30 верасня 2008 года забіў другі гол у браму турынскага «Ювентуса» ў групавым раўндзе Лігі чэмпіёнаў. Другую палову 2010 года правёў у складзе ніжагародскай «Волгі». У студзені 2011 года вярнуўся ў Беларусь, стаўшы іграком «Гомеля».

У снежні 2011 года перайшоў у мінскае «Дынама», падпісаўшы двухгадовы кантракт. У мінскім клубе стаў іграком асновы, звычайна дзейнічае на пазіцыі левага паўабаронцы. У студзені 2014 года падоўжыў кантракт з дынамаўцамі[2].

Выдатна правёў сезон 2014, у якім быў лідарам дынамаўцаў, якія доўгі час змагаліся за золата, але ў выніку атрымалі срэбраныя медалі; таксама дапамог «Дынама» ўпершыню ў гісторыі выйсці ў групавы этап Лігі Еўропы. Стаў адным з найлепшых бамбардзіраў клуба ў чэмпіянаце, забіўшы 8 галоў. Па выніках сезона быў прызнаны найлепшым футбалістам чэмпіянату[3].

19 студзеня 2015 года падпісаў кантракт з БАТЭ[4]. Хутка замацаваўся ў аснове барысаўчан на пазіцыі левага ўскрайняга нападніка. 29 верасня 2015 года адкрыў лік у матчы Лігі чэмпіёнаў супраць «Ромы» (3:2). Па выніках сезона 2015 быў прызнаны найлепшым футбалістам Беларусі[5]. У лістападзе падоўжыў кантракт з БАТЭ[6].

У сезоне 2016 дапамог БАТЭ здабыць чарговае чэмпіёнства, а сам трэці раз запар быў прызнаны найлепшым іграком чэмпіянату Беларусі. У 2018 годзе, пасля завяршэння кар’еры Віталем Радзівонавым, стаў капітанам каманды. У сезоне 2018 з 15 галявымі перадачамі стаў найлепшым асістэнатм чэмпіянату Беларусі. У верасні 2018 года зноў падоўжыў кантракт з БАТЭ[7]. У снежні 2018 года другі раз быў прызнаны футбалістам года Беларусі.

Міжнародная[правіць | правіць зыходнік]

Гуляў за моладзевую зборную Беларусі. З 2007 года выступае за нацыянальную зборную.

Дасягненні[правіць | правіць зыходнік]

Зноскі

Спасылкі[правіць | правіць зыходнік]