Ігар Міхайлавіч Дабралюбаў

Ігар Міхайлавіч Дабралюбаў
руск.: Игорь Михайлович Добролюбов
Дата нараджэння:	22 кастрычніка 1933(1933-10-22)
Месца нараджэння:	Новасібірск, СССР
Дата смерці:	19 ліпеня 2010(2010-07-19) (76 гадоў)
Месца смерці:	Мінск, Беларусь
Месца пахавання:	Усходнія могілкі
Грамадзянства:	СССР  Беларусь
Адукацыя:	Інстытут журналістыкі БДУ Усерасійскі дзяржаўны ўніверсітэт кінематаграфіі імя С. А. Герасімава
Прафесія:	акцёр, кінарэжысёр
Узнагароды:	Заслужаны дзеяч мастацтваў БССР (1974)
IMDb:	ID 0229805

І́гар Міха́йлавіч Дабралю́баў (22 кастрычніка 1933, Новасібірск — 19 ліпеня 2010, Мінск) — беларускі рэжысёр, сцэнарыст.

Біяграфія

Скончыў факультэт журналістыкі БДУ (1956), рэжысёрскі факультэт УДІК (1963, майстэрня М. Рома). У 1956—1958 — акцёр Беларускага рэспубліканскага тэатра юнага гледача. З 1963 — рэжысёр кінастудыі «Беларусьфільм». З 1993 — прафесар Інстытуту сучасных ведаў.

Рэжысёр фільмаў «Іду шукаць» (1966), «Іван Макаравіч» (1968), «Таму што кахаю» (1974), «Па сакрэту ўсяму свету» (1976), «Расклад на паслязаўтра» (1978), «Дзіўныя прыгоды Дзяніса Караблёва» (1979), «Белыя росы» (1983), «Мама, я жывы!» (1985), «Восеньскія сны» (1987), «Плач перапёлкі» (1990), «Эпілог» (1994).

Зняўся ў фільмах «Любімая» (1965), «Шчасце трэба берагчы», «Дзевяць дзён аднаго году».

Заслужаны дзеяч мастацтваў БССР (1974). Народны артыст БССР (1985). Лаўрэат прэміі ЦК ЛКСМ БССР у галіне кінамастацтва (1970, за фільм «Іван Макаравіч»). Узнагароджаны Срэбным медалём імя А. Даўжэнкі (1976, за фільм «Братушка»).

Літаратура

• Дарашчонак Т. Памёр вядомы кінарэжысёр, акцёр і сцэнарыст Ігар Дабралюбаў // БелаПАН / Грамадства. 21.07.2010, 12:50.