Ігар Міхайлавіч Пашкоў

Ігар Міхайлавіч Пашкоў
Ігар Міхайлавіч Пашкоў
дэпутат Палаты прадстаўнікоў Нацыянальнага сходу Рэспублікі Беларусь[d]
	з 2024
Нараджэнне	1 лістапада 1969 (55 гадоў); Чашнікі, Чашніцкі раён, Віцебская вобласць, БССР, СССР;
Адукацыя	МДУ імя А. А. Куляшова; Акадэмія Міністэрства ўнутраных спраў Рэспублікі Беларусь; Акадэмія кіравання пры Прэзідэнце Рэспублікі Беларусь;
Месца працы	Упраўленне ўнутраных спраў адміністрацыі Заводскага раёна г. Мінска[d]; Галоўнае ўпраўленне ўнутраных спраў Мінскага гарвыканкама; Штаб Міністэрства ўнутраных спраў Рэспублікі Беларусь[d];
Званне	палкоўнік міліцыі[d]
Узнагароды

Ігар Міхайлавіч Пашкоў (нар. 1 лістапада 1969, г. Чашнікі, Віцебская вобласць) — беларускі міліцыянер, дэпутат Палаты прадстаўнікоў Нацыянальнага сходу Рэспублікі Беларусь з 2024 года.

Біяграфія

Працоўны шлях пачаў настаўнікам гісторыі і геаграфіі Лужкоўскай васьмігадовай школы Чашніцкага раёна Віцебскай вобласці^[1].

Праходзіў службу на пасадах інспектара, начальніка інспекцыі па справах непаўналетніх упраўлення ўнутраных спраў адміністрацыі Заводскага раёна г. Мінска; на розных пасадах у галоўным упраўленні ўнутраных спраў Мінскага гарадскога выканаўчага камітэта; на кіруючых пасадах у штабе Міністэрства ўнутраных спраў Рэспублікі Беларусь. З’яўляўся начальнікам штаба Міністэрства ўнутраных спраў Рэспублікі Беларусь^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Купалаўскай акругі № 94. Член Пастаяннай камісіі па нацыянальнай бяспецы^[1].

Узнагароджаны медалём «За бездакорную службу» I, II і III ступені^[1].

Жанаты, мае дзвюх дачок^[1].