Ігар Паўлавіч Кахно

Ігар Паўлавіч Кахно
Ігар Паўлавіч Кахно
Дата нараджэння	30 ліпеня 1930
Месца нараджэння	Гомель, БССР, СССР;
Дата смерці	19 красавіка 1988 (57 гадоў)
Месца смерці	Мінск, БССР, СССР;
Грамадзянства	СССР;
Род дзейнасці	крытык
Навуковая сфера	літаратуразнаўства
Месца працы	Сакратарыят Саюза пісьменнікаў СССР, Карэльская дзяржаўная педагагічная акадэмія, Беларускі дзяржаўны ўніверсітэт
Навуковая ступень	доктар філалагічных навук (1982)
Навуковае званне	прафесар (1983);
Альма-матар	Навазыбкаўскі дзяржаўны педагагічны інстытут[d] (1952);

Ігар Паўлавіч Кахно́^[1] (30 ліпеня 1930, Гомель — 19 красавіка 1988, Мінск) — літаратуразнавец і літаратурны крытык, доктар філалагічных навук (1982), прафесар (1983).

Біяграфія[правіць | правіць зыходнік]

Нарадзіўся ў Гомелі ў сям’і настаўніка. Скончыў сярэднюю школу ў горадзе Навазыбкаў Бранскай вобласці, у 1952 годзе — гісторыка-філалагічны факультэт Навазыбкаўскага педагагічнага інстытута. У 1955—1956 гг. працаваў рэдактарам у Сакратарыяце Саюза пісьменнікаў СССР, у 1956—1966 гг. на пасадах старэйшага выкладчыка, дацэнта ў Карэльскім педагагічным інстытуце ў Петразаводску. З 1968 года І. П. Кахно ў Беларускім дзяржаўным універсітэце — дацэнт кафедры рускай савецкай літаратуры, загадчык кафедры з 1979 па 1987 год. У 1979 годзе абараніў доктарскую дысертацыю на тэму «А. В. Луначарский и формирование марксистской литературной критики» у Інстытуце рускай літаратуры (Пушкінскі Дом)^[2]. У 1972—1974 гг. праходзіў стажыроўку ва ўніверсітэтах Парыжа і Тура ў Францыі.

Навуковая і грамадская дзейнасць[правіць | правіць зыходнік]

Займаўся літаратурай, крытыкай, публіцыстыкай, актыўна друкаваўся ў часопісах «Новый мир», «Вопросы литературы», «Север», «Литература в школе», «Русская литература»^[2]. Даследаваў класічную рускую і савецкую паэзію, гісторыю і тэорыю літаратуры. Чытаў лекцыі ў Польшчы, Балгарыі. Кіраваў метадычным аб’яднаннем выкладчыкаў рускай і замежнай літаратуры вышэйшых навучальных устаноў Беларусі, быў членам рэдакцыйнай калегіі часопіса «Вестник БГУ»^[2]. Кіраваў падрыхтоўкай кандыдацкіх і доктарскіх дысертацый.

Аўтар каля 100^[2] навуковых прац, у тым ліку па творчасці А. В. Луначарскага, А. Т. Твардоўскага, Д. А. Фурманава. Сярод апублікаванага:

Творчество А. Твардовского (1925—1940). — М., 1955.;
Черты портрета : Страницы жизни и деятельности А. В. Луначарского. — Мн., 1972.;
Ради жизни на земле. А. Твардовский. «Тёркин на том свете» // На рубеже. — 1961. — № 6.;
А. В. Луначарский и формирование марксистской литературной критики. — Мн., 1979.

Зноскі

↑ Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8.
↑ ^а ^б ^в ^г Кахно Ігар Паўлавіч (1930—1988 гг.) // Гісторыя БДУ Архівавана 23 снежня 2019.

Літаратура[правіць | правіць зыходнік]

Савік Л. С. Кахно Ігар Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8). — С. 190.

Спасылкі[правіць | правіць зыходнік]

Кахно Ігар Паўлавіч (1930—1988 гг.) // Гісторыя БДУ Архівавана 23 снежня 2019.
Кахно, Игорь Павлович (1930—1988)(недаступная спасылка) (руск.) // Нацыянальная бібліятэка Беларусі
Кохно Игорь Павлович // Знаменитые люди Гомельщины (руск.)

[БЭ8-1] Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8.

[БДУ-2] а ^б ^в ^г Кахно Ігар Паўлавіч (1930—1988 гг.) // Гісторыя БДУ Архівавана 23 снежня 2019.

[1]

[2]