Ігар Расціслававіч Шафарэвіч

Ігар Расціслававіч Шафарэвіч (3 чэрвеня 1923, Жытомір — 19 лютага 2017, Масква) — расійскі матэматык, акадэмік РАН (1991). Працы па алгебры, тэорыі алгебраічных лікаў і алгебраічнай геаметрыі. Ленінская прэмія (1959). Публіцыстычныя выступленні з крытыкай таталітарнай сістэмы (артыкулы ў зборніку «З-пад глыб», 1974; «Сацыялізм як з'ява сусветнай гісторыі», 1977). Працы па праблемах гісторыі Расіі і нацыянальнаму пытанню («Русафобія», 1989, і інш.) выклікалі вострую крытыку і палеміку.